ខេត្តព្រះសីហនុ៖ រថយន្តទំនើបម៉ាក AUDI បុកម៉ូតូ Viva ប៉ើងបុរស២នាក់រងរបួសធ្ងន់ កាលពីព្រឹកថ្ងៃទី២៩ ខែសីហា ឆ្នាំ២០១៦ នៅតាមបណ្តោយផ្លូវជាតិលេខ៤ ស្ថិតក្នុងឃុំអណ្តូងថ្មរ ស្រុកព្រៃនប់ ខេត្តព្រះសីហនុ។

មានរថយន្តសេរីទំនើប១គ្រឿង ម៉ាក AUDI ពាក់ស្លាកលេខ ភ្នំពេញ 2AK-7619 បានបោះពួយយ៉ាងលឿន មកដល់ចំណុចកើតហេតុខាងលើបានបុកម៉ូតូ១គ្រឿងបណ្តាលឲ្យបុរស២នាក់រងរបួសធ្ងន់ធ្ងរ ហើយរថយន្តបានបើកធ្លាក់ផ្លូវជាប់ទៅមុខលែងរួច បង្កឲ្យមានការភ្ញាក់ផ្អើលពីប្រជាពលទៅចោមរោមមើល ។

ចំណែកឯជនរងគ្រោះត្រូវបានក្រុមគ្រួសារបញ្ជូនទៅព្យាបាលនៅមន្ទីរពេទ្យ ។ ដោយឡែករថយន្តនិងម៉ូតូ ត្រូវបានសមត្ថកិច្ចអូសយកទៅរក្សាទុកនៅអធិការដ្ឋាននគរបាលស្រុកព្រៃនប់ ដើម្បីដោះស្រាយនៅពេលក្រោយ៕

ដោយ៖ សហការី