អាកាសយានដ្ឋានរុស្ស៊ីជាច្រើនបានលុបចោលជើងហោះហើរដោយសារតែការព្រួយបារម្ភអំពីសុវត្ថិភាពជុំវិញការវាយប្រហារដោយយន្តហោះគ្មានមនុស្សបើករបស់អ៊ុយក្រែន (UAVs)។
ទីភ្នាក់ងារអាកាសចរណ៍សហព័ន្ធរុស្ស៊ី (Rosaviatsia) បានប្រកាសកាលពីថ្ងៃទី 6 ខែកក្កដាថា ជើងហោះហើរសរុបចំនួន 287 ត្រូវបានផ្អាកនៅអាកាសយានដ្ឋានរុស្ស៊ីធំៗចំនួនបីគឺ Sheremetyevo ក្នុងទីក្រុង Moscow, Pulkovo នៅ St. Petersburg និង Strigino នៅ Nizhny Novgorod ។
Rosaviatsia បានបញ្ជាក់ថា ខ្លួនបានផ្អាកជើងហោះហើរជាបណ្តោះអាសន្ននៅ Sheremetyevo ក្នុងទីក្រុងមូស្គូ ដោយលើកឡើងពីការរឹតបន្តឹងដែនអាកាសជុំវិញរដ្ឋធានី និងខ្យល់បក់ខ្លាំង។ នៅឯ Sheremetyevo ជើងហោះហើរចំនួន ១៧១ ត្រូវបានលុបចោល និង ៥៦ ផ្សេងទៀតត្រូវបានពន្យារពេល ដែលបណ្តាលឱ្យមានអ្នកដំណើរប្រមូលផ្តុំគ្នានៅព្រលានយន្តហោះ។
នៅឯទីក្រុង Pulkovo ជើងហោះហើរចំនួន 90 ត្រូវបានលុបចោល ហើយ 37 ផ្សេងទៀតនៅតែត្រូវបានពន្យារពេល ដោយសារការព្រួយបារម្ភអំពីសុវត្ថិភាព។ នៅ Nizhny Novgorod ជើងហោះហើរ 26 ត្រូវបានលុបចោល ហើយ 13 ត្រូវបានពន្យារពេល។ Rosaviatsia ក៏បាននិយាយដែរថា ការរឹតបន្តឹងជើងហោះហើរត្រូវបានដាក់នៅព្រលានយន្តហោះនៅ Ivanovo, Kaluga, Pskov និង Tambov ។
ការរឹតបន្តឹងនេះបានធ្វើឡើងបន្ទាប់ពីមានការបិទអាកាសយានដ្ឋានជាបន្តបន្ទាប់កាលពីយប់មុន ក៏ដោយសារតែការគំរាមកំហែងនៃការវាយប្រហារដោយយន្តហោះគ្មានមនុស្សបើករបស់អ៊ុយក្រែនផងដែរ។ ក្រសួងការពារជាតិរុស្ស៊ីបាននិយាយថា ខ្លួនបានស្ទាក់ចាប់ UAV ចំនួន ១២០ គ្រឿងនៅលើទឹកដីរបស់ខ្លួនចន្លោះពីថ្ងៃទី ៥ ដល់ថ្ងៃទី ៦ ខែកក្កដា៕

រូបថត​: telegram