ក្លឹបកាំភ្លើងធំ Arsenal បានចុះហត្ថលេខាទិញកីឡាករ Christian Norgaard ពីក្លឹប Brentford នៅអង់គ្លេស Premier Leagueដូចគ្នា ទាំងពីរដើម្បីពង្រឹងខ្សែបម្រើកណ្តាល។

ព័ត៌មានលម្អិតផ្នែកហិរញ្ញវត្ថុមិនត្រូវបានបង្ហាញឱ្យដឹងនោះទេ ប៉ុន្តែរបាយការណ៍ប្រព័ន្ធផ្សព្វផ្សាយរបស់អង់គ្លេសបាននិយាយថា Arsenal បានចំណាយប្រាក់ដំបូងចំនួន 10 លានផោន (13.60 លានដុល្លារ) ដើម្បីចុះហត្ថលេខាលើកីឡាករអន្តរជាតិដាណឺម៉ាកវ័យ 31 ឆ្នាំរូបនេះក្នុងកិច្ចសន្យារយៈពេល 2 ឆ្នាំជាមួយនឹងជម្រើសបន្តដល់ឆ្នាំទី 3 ។

Norgaard គឺជាកីឡាករទី 3 របស់ Arsenal ដែលបានទិសម្រាប់រដូវកាលថ្មី បន្ទាប់ពីពួកគេបានចុះហត្ថលេខាទិញអ្នកចាំទី Kepa Arrizabalaga ពី Chelsea និងខ្សែបម្រើការពារ Martin Zubimendi ពី Real Sociedad ដើម្បីជំនួសតំណែង Jorginho និង Thomas Parteyដែលបានចាកចេញ។

Norgaard ដែលបានចំណាយពេល 6 ឆ្នាំនៅ Brentford និងបានជួយឱ្យពួកគេឡើងទៅកាន់ក្របខ័ណ្ឌ Premier League ក្នុងឆ្នាំ 2021 ក៏ជាប្រធានក្រុមរបស់ក្លឹបផងដែរក្នុងរយៈពេលពីររដូវកាលចុងក្រោយនេះ។ Norgaard ជាខ្សែបម្រើកណ្តាលដែលអាចទុកចិត្តបានក្នុងក្រុម Brentfordហើយបានបង្ហាញខ្លួននៅ Premier League ចំនួន 122 ដងក្នុងរយៈពេល 4 រដូវកាល។