ភ្នំពេញ៖ បុរសម្នាក់បេីករថយន្តម៉ាកកាម៉ារីហាយព្រីត ក្នុងស្ថានភាពស្រវឹងក៏ជ្រុលទៅបុកនិងគល់ស្ពានអាកាសស្ទឹងមានជ័យបណ្ដាលឲ្យរថយន្តរងការខូចខាតយ៉ាងដំណំ ។
ហេតុការណ៍នេះបានកើតឡើងនៅវេលាម៉ោង២រំលងអាធ្រាត្រចូលថ្ងៃទី១៩ខែកក្កដាឆ្នាំ២០២៥ចំនុចគល់ស្ពានអាកាសស្ទឹងមានជ័យ ត្រេីយខាងត្បូង ផ្លូវ២៧១សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃេីញបុរសម្នាក់បេីករថយន្តម៉ាក កាម៉ារីហាយព្រីត ពណ៌ស ពាក់ស្លាកលេខ ភ្នំពេញ 2BR 8683 ធ្វើដំណើរតាមបណ្ដោយផ្លូវ២៧១ទិសដៅពីត្បូងទៅជើង ក្នុងស្ថានស្រវឹងហើយល្បឿនលឿន លុះមកដល់ចំណុចកេីតហេតុ ក៏ស្រាប់តែរថយន្តជ្រុលចង្កូតទៅបុកនិងថ្មបង្កាន់ដៃស្ពានអាកាសស្ទឹងមានជ័យយ៉ាងពេញទំហឹងបណ្ដាលឲ្យរថយន្តខ្ទេចស្រុញផ្នែកខាងមុខ តែមិនគ្រោះថ្នាក់ដល់អ្នកបេីកបរននោះទេ គ្រាន់តែចុះមកក្នុងស្ថានភាពស្រវឹង ក៏គេចចេញទៅបាត់តែម្ដង ។ ដោយឡែកថ្មគល់ស្ពានវិញអត់មានរងការខូចខាតអ្វីនោះទេ ។
ក្រោយកេីតហេតុនៅសល់តែរថយន្តត្រូវសមត្ថកិច្ចមូលដ្ឋានប្រគល់ឲ្យជំនាញចរាចរណ៍ស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោករងចាំដំណោះស្រាយ ៕
ដោយ៖សុខាសែនជ័យ
