ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ តាមរយៈមន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ បានបន្តការងារវាស់វែង និងចុះបញ្ជីដីរដ្ឋ ចំនួន ២ទីតាំង ជូនក្រសួងវប្បធម៌ និងវិចិត្រសិល្បៈ រួមមាន៖

– ទីតាំងទី១៖ សារមន្ទីរជាតិកម្ពុជា មានទំហំ ១៤០៦៣ ម៉ែត្រការ៉េ ស្ថិតនៅភូមិ៩ សង្កាត់ជ័យជំនះ ខណ្ឌដូនពេញ។
– ទីតាំងទី២៖ បណ្ណាល័យជាតិ មានទំហំ ៦១៧៤ ម៉ែត្រការ៉េ ស្ថិតនៅភូមិ១០ សង្កាត់វត្តភ្នំ ខណ្ឌដូនពេញ។

គួរបញ្ជាក់ផងដែរថា ទីតាំងទាំង២ ត្រូវបានចុះបញ្ជីតាមបច្ចេកទេសសុរិយោដី និងច្បាប់ភូមិបាល ដោយក្រសួងរៀបចំដែនដី នគរូបនីយកម្ម និងសំណង់ និងកាន់កាប់ដោយក្រសួងវប្បធម៌ និងវិចិត្រសិល្បៈ ដោយមានការគ្រប់គ្រងពីក្រសួងសេដ្ឋកិច្ច និងហិរញ្ញវត្ថុ ទៅតាមច្បាប់ស្តីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរបស់រដ្ឋ។ នេះបើយោងតាមការបញ្ជាក់ពីលោក សាយ សំធាល់ ឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ នៅរសៀលថ្ងៃទី១៩ ខែមិថុនា ឆ្នាំ២០២៥ ៕

ដោយ ៖ សិលា