ខ្សែប្រយុទ្ធសញ្ជាតិអង់គ្លេស Marcus Rashford បាននិយាយថា Barcelona គឺជាក្លឹបមួយដែល “សុបិនក្លាយជាការពិត” នៅពេលដែលគាត់បានចូលរួមជាមួយក្រុមជើងឯក LaLiga កាលពីថ្ងៃពុធ ក្នុងលក្ខខណ្ឌខ្ចីជើងពេញមួយរដូវកាលពី Manchester United ជាមួយនឹងជម្រើសក្នុងការទិញ។ របាយការណ៍របស់ប្រព័ន្ធផ្សព្វផ្សាយបាននិយាយថា Barcelona នឹងរ៉ាប់រងលើប្រាក់ឈ្នួលរបស់ Rashford នៅរដូវកាលនេះ បន្ទាប់ពីកីឡាកររូបនេះបានទទួលយកការកាត់ប្រាក់ខែជាមួយនឹងជម្រើសក្នុងការទិញក្នុងតម្លៃប្រហែល 30 លានអឺរ៉ូ (35.25 លានដុល្លារ) សម្រាប់កីឡាករវ័យ 27 ឆ្នាំ។

នៅពេលដែលត្រូវបានគេមើលឃើញថាជានិមិត្តរូបរបស់ក្លឹប និងជាតារាក្នុងស្រុក ដ៏ល្បីមួយរូប Rashford មានការធ្លាក់ចុះយ៉ាងខ្លាំងនៅ United ក្រោយការមកដល់របស់អ្នកចាត់ការ Ruben Amorim ដែលបានបើកផ្លូវឱ្យគាត់ផ្ទេរទៅ Aston Villa ក្នុងលក្ខខណ្ឌខ្ចីជើងក្នុងខែកុម្ភៈ។

Barcelona បាននិយាយថា Rashford បានចុះហត្ថលេខាលើកិច្ចសន្យារបស់គាត់រួចរាល់ហើយ។ ក្លឹបបាននិយាយនៅក្នុងសេចក្តីថ្លែងការណ៍មួយថា “Rashford អាចលេងបានគ្រប់ទីកន្លែងក្នុងតំបន់ប្រយុទ្ធ។ ជើងស្តាំ គាត់អាចផ្តល់បាល់ឱ្យកីឡាករផ្សេង និងជាអ្នកបញ្ចប់ដ៏ល្អឥតខ្ចោះ”។

Rashford កើតនៅ Manchester ដែលបានបង្ហាញខ្លួន 426 ប្រកួតនិងស៊ុតបញ្ចូលទី 138 គ្រាប់សម្រាប់ United ក្នុងការប្រកួតទាំងអស់។Rashford ដែលបានឈ្នះពាន FA Cup ចំនួនពីរ ពាន League Cup ពីរលើក និងពាន Europa League ជាមួយ Man Utd ។