ភ្នំពេញ: យុវជន១ក្រុមកំពុងតែអង្គុយផឹកស៊ីនៅមុខបន្ទប់ជួលសុខៗ ស្រាប់តែមានក្មេងស្ទាវ១ក្រុមទៀតនាំបក្ខពួកជាច្រើននាក់មកព្រួតវាយបណ្ដាលឲ្យមានអ្នករបួសស្នាមទាំងសងខាងត្រូវបានសមត្ថកិច្ចមូលដ្ឋានចុះទៅឃាត់ខ្លួននាំមកសាកសួរនៅប៉ុស្តិ៍ភ្លាមៗ ។
ហេតុការណ៍នេះដែរបានកេីតឡើងនៅម៉ោង9:30នាទីយប់ថ្ងៃទី23ខែកក្កដាឆ្នាំ2025ស្ថិតនៅចំណុចផ្ទះជួលភូមិជ្រៃកោង សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ។
ប្រភពព័ត៌មាននៅន្លែងកើតហេតុបានឲ្យដឹងថា នៅមុនកេីតហេតុដោយភាគីម្ខាងមានគ្នា៣នាក់ កំពុងតែអង្គុយផឹកស៊ីនៅមុខបន្ទប់ជួល លុះក្រោយមកស្រាប់តែមានភាគីម្ខាងទៀតមានគ្នាជាច្រើននាក់បានជិះម៉ូតូមករោឌឺដងដាក់ខាងក្រុមអង្គុយផឹកស៊ីទ្រាំមិនបានក៏ថាអោយបកទៅវិញទេីបបង្កជាជម្លោះភាគី(ខ)ដែលមានគ្នាច្រើននាក់ប្រដាប់ដោយមួកសុវត្ថិភាពនិងដៃចូលទៅព្រួតវាយនៅពេលនោះក្រុមខាងគ្នាតិចបានយកកាំបិតប័ងតោនិងដង្កាប់អូតូវាយតដៃវិញបណ្ដាលឲ្យបក្ខពួកគ្នាច្រើនរងរបួសបែកក្បាលដេរអស់៣ថ្នេរបន្ទាប់មកពលរដ្ឋបានរាយការណ៍ប្ដីទៅសមត្ថកិច្ចមូលដ្ឋានចុះមកអន្តរាគមន៍ធ្វើការឃាត់ខ្លួនទាំងសងខាងចំនួន៧នាក់និងម៉ូតូចំនួន៤គ្រឿងនាំមកសាកសួរនៅប៉ុស្តិ៍ភ្លាមៗ ក្នុងនោះរួមមានម៉ូតូម៉ាកហុងដាឌ្រីមសង់៣គ្រឿងនិងម៉ូតូម៉ាកស៊ុយសុីគីនិច១គ្រឿងផងដែរ ។
បច្ចុប្បន្នករណីហិង្សាវាយគ្នាទៅវិញទៅមកនេះបង្កឲ្យមានរងរបួសស្នាមនោះត្រូវបានសមត្ថកិច្ចកសាងសំណុំរឿងបញ្ជូនខ្លួនទៅកាន់ផ្នែកជំនាញព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យចាត់ការនីតិវិធី ៕
ដោយ៖ ជ្រោយពេជ្រ
