ភ្នំពេញ​៖​ បើទោះបីជា​លោកប្រធានាធិបតីសហរដ្ឋអាមេរិក Donald Trump ស្នើឱ្យមានបទឈប់បាញ់គ្នាបន្ទាន់ក៏ដោយ​ សង្រ្គាមចូលថ្ងៃទី៥! ថៃនៅតែបន្តបាញ់ផ្លោងមុនចូលទឹកដីកម្ពុជាយ៉ាង​កគ្លើន​។

សូមជម្រាបជូនថា​ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាថ្ងៃទី២៨ ខែកក្កដា ឆ្នាំ២០២៥នេះ នឹងដឹកនាំគណៈប្រតិភូកម្ពុជា ដំណើរទៅចូលរួមកិច្ចប្រជុំពិសេសមួយ នៅទីក្រុងកូឡាឡាំពួរ ប្រទេសម៉ាឡេស៊ី ដោយមានប្រទេសម៉ាឡេស៊ីជាម្ចាស់ផ្ទះ និងសហរដ្ឋអាមេរិកជាសហអ្នករៀបចំ​ និងមានការចូលរួមពីតំណាងរដ្ឋាភិបាលចិនផងដែរ។

គោលបំណងសំខាន់នៃកិច្ចប្រជុំនេះ គឺដើម្បីសម្រេចឲ្យមានបទឈប់បាញ់ភ្លាមៗនៅតំបន់ព្រំដែន ដែលកម្ពុជានិងថៃបានឯកភាពគ្នាតាមគំនិតផ្ដួចផ្ដើមរបស់លោកប្រធានាធិបតីសហរដ្ឋអាមេរិក Donald Trump កាលពីយប់ម្សិលមិញ។

សម្តេចធិបតីបានសូមអរគុណ លោកនាយករដ្ឋមន្ត្រី Anwar Ibrahim ដែលបានជាអ្នកផ្ដួចផ្ដើមគំនិត និងសម្របសម្រួលឲ្យមានកិច្ចប្រជុំពិសេសនេះ ក្រោមបំណងរកដំណោះស្រាយសន្តិភាពសម្រាប់តំបន់៕ដោយ​៖តារា​