ភ្នំពេញ ៖ កិច្ចព្រមព្រៀង១៣ចំណុចនៃកិច្ចប្រជុំ GBC រវាងកម្ពុជា និងថៃ នៅថ្ងៃទី ៧ ខែសីហា ឆ្នាំ 2025 !

១. ភាគីទាំងពីរយល់ព្រមលើបទឈប់បាញ់ដែលពាក់ព័ន្ធនឹងសព្វាវុធគ្រប់ ប្រភេទ រួមទាំងការវាយប្រហារលើជនស៊ីវិល និង ទ្រព្យសម្បត្តិរបស់ជន ស៊ីវិល និងយោធា។ភាគីទាំងសងខាងត្រូវតែជៀសវាងការបាញ់ដោយមិនញញើតឆ្ពោះទៅ រកទីតាំងឬកងទ័ពរបស់ភាគីម្ខាងទៀត។កិច្ចព្រមព្រៀងនេះមិនត្រូរំលោភបំពាន ក្នុងកាលៈទេសៈណាមួយឡើយ។

២.ភាគីទាំងសងខាងយល់ព្រមរក្សាការដាក់ពង្រាយកងទ័ពបច្ចុប្បន្នដោយ មិនមានការចល័តទ័ពខណៈបទឈប់បាញ់បានឈានដល់ម៉ោង24:00 ម៉ោង (ម៉ោងក្នុងតំបន់) កាលពីថ្ងៃទី 28 ខែកក្កដា ឆ្នាំ 2025។ មិនត្រូវ មានការចល័តទ័ពរួម ទាំងការដើរល្បាតឆ្ពោះទៅកាន់ទីតាំងភាគីម្ខាងទៀត។

៣.ភាគីទាំងពីរឯកភាព មិនបង្កើនកម្លាំង តាមបណ្តោយព្រំដែនកម្ពុជា-ថៃ ទាំងមូល។ការពង្រឹងណាមួយនឹងបង្កើនភាពតានតឹងនិងជះឥទ្ធិពលអវិជ្ជមាន ដល់កិច្ចខិតខំប្រឹងប្រែងរយៈពេលវែងដើម្បីដោះស្រាយស្ថានការណ៍។

៤. ភាគីទាំងសងខាងយល់ព្រមមិនធ្វើសកម្មភាពបង្កហេតុដែលអាចបង្កើន ភាពតានតឹង។ នេះរាប់បញ្ចូលទាំងសកម្មភាពយោធា ដើម្បីចូលទៅក្នុងលំហ អាកាស របស់ភាគីម្ខាងទៀតនិងទឹកដីឬទីតាំងនានាចាប់ពីម៉ោង24:00ម៉ោង (ម៉ោងក្នុងតំបន់)នៅថ្ងៃទី ន់)នៅថ្ងៃទី 28ខែកក្កដាឆ្នាំ 2025។ភាគីទាំងពីរបានព្រមព្រៀង គ្នាក្នុងការមិនសាងសង់ ឬពង្រឹង ហេដ្ឋារចនាសម្ព័ន្ធយោធាឬបន្ទាយលើសពី ភាគីរបស់ខ្លួន។

៥.ភាគីទាំងពីរយល់ព្រមមិនប្រើប្រាស់កងកម្លាំងគ្រប់ប្រភេទប្រឆាំងនឹងជន ស៊ីវិលនិង ទ្រព្យសម្បត្តិរបស់ជនស៊ីវិល គ្រប់កាលៈទេសៈទាំងអស់។ សកម្ម ភាពបែបនេះមិនត្រឹមតែបង្កគ្រោះថ្នាក់ដល់សហគមន៍នៅតាមតំបន់ព្រំដែន ប៉ុណ្ណោះទេ ប៉ុន្តែថែមទាំងបំពានច្បាប់អន្តរជាតិព្រមទាំងធ្វើឱ្យភាគីដែលមិន គោរពតាមនឹងខូចមុខមាត់លើឆាកអន្តរជាតិផងដែរ។

៦.ភាគីទាំងពីរយល់ព្រមគោរពតាមច្បាប់មនុស្សធម៌អន្តរជាតិក្នុងការព្យាបាល ទាហាន ដែលត្រូវបានចាប់ខ្លួន រួមទាំងស្ថានភាពរស់នៅ ទីជម្រក អាហារ និង ការថែទាំវេជ្ជសាស្ត្រក្នុងករណីមានរបួស។ប្រសិនបើភាគីម្ខាងចង់នាំយក ទាហាន ឬ ជនស៊ីវិល ដែលរងរបួសរបស់ខ្លួនដែលមិនស្ថិតនៅក្រោមការគ្រប់គ្រង របស់ភាគីម្ខាងទៀតមកព្យាបាលនោះភាគីទទួលអាចកំណត់ការឆ្លើយតបរបស់ ខ្លួនដោយផ្អែកលើសមត្ថភាពនៃគ្រឿងបរិក្ខារពេទ្យរបស់ខ្លួនរួមទាំងសម្ភារៈបរិក្ខារ ដែលមានស្រាប់បុគ្គលិកឬក្រមសីលធម៌វេជ្ជសាស្ត្រតាមករណីនីមួយៗ។ ទាហានដែលត្រូវបានចាប់ខ្លួននឹងត្រូវដោះលែង និងធ្វើមាតុភូមិនិវត្តន៍ភ្លាមៗ ស្របតាមអនុសញ្ញាទីក្រុងហ្សឺណែវ។ភាគីទាំងពីរបានឯកភាពគ្នាក្នុងការផ្លាស់ ប្តូរព័ត៌មាន និងសម្រួលដល់ការ បញ្ជូនសាកសពដែលបានស្លាប់វិលត្រឡប់ មកវិញប្រកបដោយសេចក្តីថ្លៃថ្នូរ នៅទីតាំងដែលព្រមព្រៀងគ្នា ដោយគោរព ពេញលេញនូវគោលការណ៍ មនុស្សធម៌ ដោយមិនចាំបាច់ឆ្លងកាត់ព្រំដែន។ បន្ថែមពីនេះ ភាគីទាំងសងខាងត្រូវធានា ឱ្យមានវិធានការសមស្រប ដើម្បី កំណត់អត្តសញ្ញាណ និងគ្រប់គ្រងសាកសពក្រោមលក្ខខណ្ឌ អនាម័យ និង ការគោរព។

៧. ក្នុងករណីមានជម្លោះប្រដាប់អាវុធទោះដោយចេតនាឬអចេតនាក៏ ដោយ ភាគីទាំងពីរត្រូវតែពិគ្រោះយោបល់ភ្លាមៗនៅ ថ្នាក់មូលដ្ឋានតាម រយៈ យន្តការទ្វេភាគីដែលមានស្រាប់ដើម្បីទប់ស្កាត់ស្ថានការណ៍កុំឱ្យកើនឡើងនៅ តាមព្រំដែនទាំងមូល។ជម្លោះអូសបន្លាយនឹងបង្កគ្រោះថ្នាក់ដល់សុវត្ថិភាពជន ស៊ីវិល និងទាហានទាំងសងខាង និងបង្កើនភាពតានតឹង ដោយ ហេតុនេះធ្វើ ឱ្យស្មុគស្មាញដល់កិច្ចប្រឹងប្រែងឆ្ពោះទៅរកដំណោះស្រាយរួមគ្នា។

៨. ជាពិសេសភាគីទាំងសងខាងយល់ព្រម៖រក្សាទំនាក់ទំនងទៀងទាត់រវាង គ្រប់តំបន់កងទ័ព និងអង្គភាព យោធានៅតាមព្រំដែននៃភាគីទាំងពីរ ហើយ ខិតខំ ដោះស្រាយបញ្ហាទាំងអស់ដោយសន្តិវិធី និងជៀសវាងការប៉ះទង្គិចគ្នា។ កោះប្រជុំគណៈកម្មាធិការព្រំដែនក្នុងតំបន់ (RBC) ក្នុងរយៈពេលពីរសប្តាហ៍ បន្ទាប់ពីកិច្ចប្រជុំ GBC នៅថ្ងៃទី 7 ខែសីហា ឆ្នាំ 2025។ ម្ចាស់ផ្ទះនឹងត្រូវ បាន កំណត់ស្របតាមការបង្វិលនៃការធ្វើម្ចាស់ផ្ទះធម្មតា។រក្សាទំនាក់ទំនង ទៀងទាត់ និងដោយផ្ទាល់រវាងថ្នាក់រដ្ឋមន្ត្រីនិងថ្នាក់នាយសេនាធិការនៃកង កម្លាំងការពារជាតិ។

៩. ភាគីទាំងសងខាងយល់ព្រមចៀសវាងនូវការផ្សព្វផ្សាយព័ត៌មានមិនពិត ឬព័ត៌មានក្លែងក្លាយ ដើម្បីកាត់បន្ថយភាពតានតឹង កាត់បន្ថយមនោ សញ្ចេត នាសាធារណៈអវិជ្ជមាននិងជំរុញបរិយាកាសដែលអំណោយផលដល់ការសន្ទនា ដោយសន្តិវិធី។

១០.ភាគីទាំងពីរនៅតែប្តេជ្ញាអនុវត្តការយោគយល់រួមដែលសម្រេចបាននៅ ក្នុងកិច្ចប្រជុំពិសេស នៅថ្ងៃទី 28 ខែកក្កដា ឆ្នាំ 2025 រួមទាំង បទឈប់បាញ់ នឹងការបង្កើតក្រុមអ្នកសង្កេតការណ៍អាស៊ានដែលដឹកនាំដោយម៉ាឡេស៊ីដើម្បី ផ្ទៀងផ្ទាត់ និងធានាការអនុវត្តរបស់ភាគីទាំងពីរ។

១១. ភាគីទាំងសងខាងយល់ព្រមចាត់តាំង RBCs រៀងៗ ខ្លួនដើម្បីអនុវត្ត បទឈប់បាញ់ ដែលសម្របសម្រួល និងសង្កេតឃើញដោយក្រុមអ្នកសង្កេត ការណ៍អាស៊ាន ដឹកនាំដោយម៉ាឡេស៊ី។ RBCs នឹងជួបជាទៀងទាត់ និង បញ្ជូនរបាយការណ៍របស់ពួកគេទៅក្រុមការងារGBCរបស់ខ្លួន។

១២.

រង់ចាំក្រុមអ្នកសង្កេតការណ៍អាស៊ាន ដឹកនាំដោយម៉ាឡេស៊ី ដូចដែល ភាគីទាំងពីរបានព្រមព្រៀងគ្នានៅទីក្រុង Putrajaya នៅថ្ងៃទី 28 ខែកក្កដា ឆ្នាំ 2025។ ក្រុមអ្នកសង្កេតការណ៍បណ្តោះអាសន្ន (IOT) រួមមាន អនុព័ន្ធ ការពារជាតិនៃប្រទេសសមាជិកអាស៊ានទទួលស្គាល់ប្រទេសថៃឬកម្ពុជាហើយ ដឹកនាំដោយអនុព័ន្ធការពារប្រទេស ម៉ាឡេស៊ីនឹងត្រូវបានបង្កើតឡើងដាច់ ដោយឡែកនិងឯករាជ្យនៅក្នុងប្រទេសនីមួយៗកម្ពុជានិងភាគីថៃ។

សមាសភាពនៃIOTរបស់ប្រទេសនីមួយៗត្រូវបានអញ្ជើញដោយឯករាជ្យដោយ ប្រទេសម្ចាស់ផ្ទះក្នុងការពិគ្រោះយោបល់ជាមួយម៉ាឡេស៊ី។IOTនឹងដំណើរការ ដោយមិនឆ្លងកាត់ព្រំដែន ហើយនឹងធ្វើការនៅក្នុងការសម្របសម្រួល និង ពិគ្រោះយោបល់យ៉ាងជិតស្និទ្ធជាមួយ RBCs និង GBC នៃប្រទេសនីមួយៗ។ ១៣.ភាគីទាំងពីរយល់ព្រមកំណត់ពេលកិច្ចប្រជុំGBCបន្ទាប់ក្នុងរយៈពេលមួយ ខែបន្ទាប់ពីថ្ងៃទី 7 ខែសីហា ឆ្នាំ 2025 ៕ 

ដោយ ៖ សិលា