ខេត្តកំពង់ចាម ៖ មានករណីអគ្គិភ័យឆាបឆេះផ្ទះប្រជាពលរដ្ឋមួយកន្លែងនៅចំណុចក្បែរផ្សារធំ ស្ថិតក្នុងភូមិទី១៣ សង្កាត់កំពង់ចាម ក្រុងកំពង់ចាម ដែលបណ្តាលមកការឆ្លងចរន្តអគ្គិសនីកាលពីវេលាម៉ោង ១៦:៤៥នាទី ថ្ងៃទី១១ ខែសីហា ឆ្នាំ២០២៥ ។

នៅក្នុងប្រតិបត្តិការជួយអន្តរាគមន៍ពន្លត់អគ្គិភ័យនេះ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម បានដឹកនាំកម្លាំងដោយផ្ទាល់ ចុះអន្តរាគមន៍បន្ទាន់ភ្លាមៗ និងបានសហការជាមួយកម្លាំងអាជ្ញាធរពាក់ព័ន្ធ ដោយប្រើប្រាស់រថយន្តពន្លត់អគ្គិភ័យ ចំនួន៥គ្រឿង និងប្រើប្រាស់អស់ទឹក១៣សុឺទែន ទើបគ្រប់គ្រងស្ថានការណ៍បានទាំងស្រុង នៅវេលាម៉ោង ១៧:៣០នាទី មិនបណ្ដាលឱ្យឆាបឆេះទៀត មិនបង្កឱ្យមានរបួសស្នាម និងប៉ះពាល់ដល់អាយុជីវិតប្រជាពលរដ្ឋឡើយ។
សូមបញ្ជាក់ដែរថា ទំហំនៃការខូចខាត សមត្ថកិច្ចពាក់ព័ន្ធបាននិងកំពុងធ្វើការវាយតម្លៃ និងកំពុងបន្តនីតិវិធីស្រាវស្រាវស៊ើបអង្កេតបន្ថែមទៀតផងដែរ ៕ ដោយ ៖ ភារ៉ា ដង្កោ