ទីក្រុងបាងកក ៖ ឆេះផ្សារ Pratunam កណ្ដាលក្រុងបាងកក ផ្អើលអាជីវករ រត់ប្រសាចគ្នា ។ នេះយោងតាម thethaiger នៅថ្ងៃទី២៣ សីហា កាលពីវេលាម៉ោង ៣ និង ១៩ នាទីរសៀល អគ្គិភ័យបានឆាបឆេះហាងលក់ទំនិញដ៏ពេញនិយមមួយកន្លែងក្នុងផ្សារ Pratunam នៅលើផ្លូវ Petchburi សង្កាត់ Thanon Petchburi ក្នុងទីក្រុងបាងកក បណ្តាលឲ្យមនុស្សម្នារត់ប្រសាចប្រាសអាយុរៀងៗខ្លួន។

បន្ទាប់ពីកើតហេតុ ភ្លាមៗមន្ត្រី ជំនាញ បាន ចុះដល់កន្លែងផ្ទាល់ និងបានគ្រប់គ្រងភ្លើង បានដោយជោគជ័យ ។ អគ្គិភ័យនេះដែរ តាមសេចក្ដីរាយការណ៍ពីអាជីវករក្នុងផ្សារទំនើប គឺគេរក ឃើញនៅជាន់ទី៣ ខណៈដែលព័ត៌មានលម្អិតដែលនាំឲ្យបង្កជាអគ្គិភ័យ កំពុងស្ថិតក្រោមការស៊ើបអង្កេតនូវឡើយ។ 

ករណីមួយទៀត ! ស្ពានអាកាសនេះមានប្រវែង ៣៦ម៉ែត្រសាងសង់ជិតរួចរាល់ និងមានតម្លៃប្រហែល១៩ម៉ឺនដុល្លារ នៅយប់ថ្ងៃទី២២ ខែសីហា ឆ្នាំ២០២៥ វេលាម៉ោង៨៖២០នាទីយប់ត្រូវបានបាក់រលំ ក្នុងស្រុកមួយនៅក្នុង ខេត្តច័ន្ទថាបូរី។ ធ្នឹមស្ពានបេតុងទម្ងន់១១៦តោន ត្រូវបាក់ធ្លាក់ទៅលើរថយន្តស្ទូច និងរថយន្តសណ្តោង ធ្វើឲ្យកកស្ទះចរាចរណ៍ និងបង្កការភ្ញាក់ផ្អើលទាំងយប់។ 

កម្មកររាប់សិបនាក់ រត់គេចខ្លួនពេលកើតហេតុ។ បើទោះបីជាគ្មានអ្នកស្លាប់ និងរបួស ប៉ុន្តែអាជ្ញាធរថៃប៉ាន់ប្រមាណថា មានការខូចខាតសរុបប្រមាណ ១០លានបាត ស្មើនឹងប្រមាណ ២៧ម៉ឺនដុលា្លរ ក្នុងនោះសូម្បីតែកាសែតថៃ ក៏មិនទាន់បញ្ជាក់ពីមូលហេតុនេះនៅឡើយ ថាតើបាក់បណ្តាល

មកអ្វីឱ្យពិតប្រាកដ ៕ 

ប្រភព ៖ (យោងតាម thethaiger )