ភ្នំពេញ៖ រថយន្តក្រឡុកសុីម៉ងត៍មួយគ្រឿងខណៈបេីកសុខស្រាប់តែហ្វ្រាំងមិនស៊ី ជ្រុលទៅបុករះម៉ូតូ២គ្រឿងនិងរថយន្តចំនួន២គ្រឿង និងបណ្តាលឲ្យបុរស២នាក់រងរបួស ។
ហេតុការណ៍នេះបានកើតឡើងនៅម៉ោង៩និង៥០នាទីយប់ថ្ងៃទី២៤ខែ សីហា ឆ្នាំ២០២៥ ទល់មុខមជ្ឈមណ្ឌលព្រីនផ្លាហ្សា ស្ថិតតាមបណ្ដោយផ្លូវព្រះនរោត្ដម សង្កាត់ទន្លេបាសាក់ ខណ្ឌចំការមន ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកេីតហេតុ គេបានឃើញបុរសម្នាក់បានបេីករថយន្តក្រឡុកសុីម៉ង់ ពណ៌សលាយក្រហម ពាក់ស្លាកលេខ ភភ្នំពេញ5A1-589 បានធ្វើដំណើរតាមបណ្ដោយផ្លូវ ព្រះនរោត្ដមទិសដៅពីជេីងទៅត្បូង លុះមកដល់ចំនុចកេីតហេតុដែលជាផ្លូវរៀងចង្អៀត ស្រាប់តែរថយន្តជាន់ហ្វ្រាំងមិនស៊ី បានជ្រុលទៅបុករះម៉ូតូ២គ្រឿង ម៉ាកហុងដាឌ្រីមទាំង២ និងរថយន្តចំនួន២គ្រឿង ក្នុងនោះមានមួយគ្រឿងម៉ាកBYD ពណ៌ប្រផេះ និងមួយទៀតម៉ាកGAC ពណ៌ខ្មៅ ដែលបេីកនៅពីមុខ បណ្តាលរងការខូចខាតផងដែរ ។
ករណីនេះបណ្តាលឲ្យបុរស២នាក់ជាជិះម៉ូតូទាំង២គ្រឿង រងរបួសរលាត់ដៃជើងតិចតួចមិនបានទៅមន្ទីរពេទ្យនោះទេ ។ ចំណែកអ្នកបើករថយន្តក្រឡុកសុីម៉ង់មិនបានគេចទៅណាដែរ ហើយបញ្ជាក់ប្រាប់ថារថយន្ដរបស់គាត់ដាច់ហ្វ្រាំងទៅជ្រុលទៅបុកបែបនេះទៅ ។
បន្ទាប់ពីកេីតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចរាចរណ៍វាស់វែងយករថយន្តនឹងម៉ូតូ
ទៅរក្សាទុករងចាំដំណោះស្រាយនៅពេលក្រោយ៕
ដោយ៖ ជ្រោយពេជ្រ
