ភ្នំពេញ៖​ កម្លាំង​នគរបាល​ខណ្ឌ​ចំការ​មន​ នៅព្រឹក​ថ្ងៃ​ចន្ទ​ទី​២៥​ ខែសីហា​ ឆ្នាំ​២០២៥នេះ​ បានឱ្យដឹងថា​ មានជនជាតិបរទេសចំនួន៥នាក់បានបង្ហោះដ្រូនពីខុនដូអគារខ្ពស់ផ្ដិតយករូបភាពម្ដុំវិមានឯករាជ្យនិងទីក្រុងកោះពេជ្រសមត្ថកិច្ចធ្វើការស្រាវជ្រាវដោយសារគ្មានច្បាប់អនុញ្ញាតអោយបង្ហោះដ្រូនរហូតឈានទៅដកហូតបានដ្រូនចំនួន១និងមេម៉ូរីចំនួន២និងអ្នកបញ្ជាដ្រូន កាលពីវេលាម៉ោង៩និង៣០នាទីយប់ថ្ងៃទី២២ ខែ សីហា ឆ្នាំ២០២៥ នៅចំណុចខុនដូអគារ

L H សណ្ឋាគារ OCEAN HOTEL  តាមផ្លូវលេខ៩ ស្ថិតនៅក្នុងភូមិ៥ សង្កាត់ ទន្លេបាសាក់ ខណ្ឌចំការមន រាជធានីភ្នំពេញ ។

យោងតាមប្រភពព័ត៌មានពីប្រជាពលរដ្ឋគគឺបានឃើញដ្រូនដែលបង្ហោះនៅលើអាកាសក៏នាំគ្នាថតនិងអ្នកខ្លះបានទូរស័ព្ទរាយការណ៍ទៅសមត្ចកិច្ច។ ដ្រូននោះបានបង្ហោះថតយករូបភាពជុំវិញវិមានឯករាជ្យនិងបង្ហោះបន្តទៅយករូបភាពនៅជុំវិញកោះពេជ្រ សរុបមានដ្រូនចំនួន២ហើយ។ភ្លាមៗនោះកងកម្លាំងប៉ុស្តិ៍នគរបាលរដ្ឋបាលទន្លេបាសាក់និងកម្លាំងព្រហ្មទណ្ឌនៃអធិការដ្ឋានខណ្ឌចំការមនបានចុះធ្វើការស្រាវជ្រាវជាបន្ទាន់រហូតដេញតាមដ្រូនមកដល់អគារខុនដូL.H ហើយបានសហការជាមួយមេការគ្រប់គ្រងនៅអគារដើម្បីអោយទៅមើលម្ចាស់ដ្រូន តើបានការអនុញ្ញាតពីណាមក ហើយការបង្ហោះដ្រូនមានបំណងអ្វីអោយប្រាកដ រហូតនាំយកជនបរទេសនៅសណ្ឋាគារ OCEAN HOTEL មានជនជាតិចិនសរុប៥នាក់ប្រុស៤ស្រី១ក្នុងចំណោមនោះមានម្នាក់ជាម្ចាស់និងជាអ្នកបង្ហោះដ្រូននាំយកទៅសាកសួរនាំប៉ុស្តិ៍រដ្ឋបាល ។

បេីតាមអាជ្ញាធរបានបញ្ជាក់នៅព្រឹកថ្ងៃទី២៥ ខែ សីហា ឆ្នាំ ២០២៥នេះថាពិតជាបាននាំយកជនជាតិចិនម្នាក់ទៅសាកសួរកាលនៅថ្ងៃទី២២ ខែសីហា ឆ្នាំ ២០២៥ វេលាម៉ោង ៩ និង ០០នាទីយប់ មានករណីជនបរទេស១នាក់ ឈ្មោះLIN YONGGUO ភេទប្រុស អាយុ34ឆ្នាំ ជនជាតិចិន កាន់លិខិតឆ្លងដែនលេខEQ4150146 បានបង្ហោះដ្រូនចេញពីចំណុចអគារLH ជាន់ទី១៥ (Crown Sky Bar) អគារលេខ១៣ ផ្លូវលេខ៩ ភូមិ៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។សម្ភារដកហូត : ដ្រូនចំនួន០១គ្រឿង ពណ៌ប្រផេះ ។ គោលបំណងដែលគាត់បង្ហោះដ្រូនចេញពីសណ្ឋាគារទៅម្ដុំវិមានឯករាជ្យនិងទៅកោះពេជ្រដើម្បីយករូបភាពទៅបង្ហាញមិត្តភក្ដិនៅប្រទេសចិនវិញ មិនមានបំណងលើសពីនេះទេ ។

បច្ចុប្បន្នសមត្ថកិច្ចជំនាញបានអប់រំណែនាំធ្វើកិច្ចសន្យានឹងដកហូតដ្រូនយកទៅរក្សាទុកនៅប៉ុស្តិ៍នគរបាលរដ្ឋបាលទន្លេបាសាក់៕

ដោយ៖ ជ្រោយពេជ្រ