ខេត្តកំពង់ស្ពឺ៖ អនុវត្ដតាមការដឹកនាំបញ្ជាពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នារសៀលថ្ងៃទី២៥ ខែសីហា ឆ្នាំ២០២៥ នៅចំណុចភូមិសប់ង៉ ឃុំខ្ទុំក្រាំង ស្រុកសំរោងទង ដោយបានការណែនាំពីលោកឧត្ដមសេនីយ៍ត្រី ម៉ាត់ ធុច ស្នង ការរង កម្លាំងរបស់ការិយាល័យប្រឆាំងគ្រឿងញៀន ដឹក នាំដោយលោកវរសេនីយ៍ទោ ហ៊ាង ឈាងលី ស្នងការ រង បានចុះប្រតិបត្ដិការដោយមានការសហការពីកម្លាំងប្រឆាំងគ្រឿងញៀនរបស់អធិការដ្ឋាននគរបាលស្រុកសំរោងទង បង្ក្រាបមុខសញ្ញាសង្ស័យពាក់ព័ន្ធនឹងជួញ ដូរគ្រឿងញៀនម្នាក់ឈ្មោះ ស៊ុំ សារ៉ាត ភេទប្រុស អាយុ ២៩ឆ្នាំ មុខរបរមិនពិតប្រាកដ រស់នៅភូមិសប់ង៉ ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ។
តាមការឲ្យដឹង មុខសញ្ញាខាងលេីមានឈ្មោះនៅក្នុងបញ្ជីតាមដាននិងបានស្រាវជ្រាវជាបន្ដបន្ទាប់ ប៉ុន្ដែគេចពីតំបន់មួយទៅកន្លែងមួយដោយមិនធ្វេីសកម្មភាពផ្ទាល់នោះទេ ។ ជាក់ស្ដែងសមត្ថកិច្ចបានដកហូតម្សៅក្រាមពណ៌សថ្លាសង្ស័យជាគ្រឿងញៀន៧៥កញ្ចប់ដែលមានទម្ងន់ជាច្រេីនក្រាម,ទូរស័ព្ទដៃចំនួន១គ្រឿង ។
តាមការបញ្ជាក់សារធាតុញៀនខាងលេីមានមុខសញ្ញាម្នាក់ទៀតជាអ្នកផ្ដល់,ក្រោយឃាត់មុខសញ្ញាទី១មុខសញ្ញាទី២បានរត់គេចខ្លួន កម្លាំងបានឆែកឆេររកឃើញម្សៅក្រាមពណ៌សថ្លាសង្ស័យគ្រឿងញៀនចំនួន២កញ្ចប់មធ្យម ,ជញ្ជីងថ្លឹងគ្រឿងញៀនអេឡិចត្រូនិចចំនួន១ គ្រឿងនិងសម្ភារៈប្រភេទថង់ប្លាស្ទិកវេចខ្ចប់មួយចំនួន ។
បច្ចុប្បន្នមុខសញ្ញាសង្ស័យនិងវត្ថុតាងដែលរកឃេីញ, ដកហូតបានបញ្ជូនមកការិយាល័យជំនាញនៃស្នងការដ្ឋាននគរបាលខេត្ដ ដេីម្បីបំពេញនីតិវិធីកសាងសំណុំរឿងបញ្ជូនទៅអយ្យការចាត់ការតាមច្បាប់៕
