ភ្នំពេញ៖រថយន្តសណ្តោងកុងតឺន័របេីកខ្វះការប្រុងប្រយ័ត្នក៏ជ្រុលទៅបុកនិងម៉ូតូស្កុបពី ពីក្រោយបណ្តាលអោយស្ត្រីម្នាក់រងរបួសបញ្ជូនទៅមន្ទីរពេទ្យ ។
ហេតុការណ៍នេះបានកើតឡើងនៅវេលាម៉ោង៨យប់ថ្ងៃទី២៧ខែសីហាឆ្នាំ២០២៥ចំនុចស្តុបផ្សារថ្នល់បត់ ផ្លូវ២១៧កែងផ្លូវបេតុងព្រៃស សង្កាត់ដង្កោ ខណ្ឌដង្កោ ។
តាមប្រភពពីប្រជាពលរដ្ឋបានឱ្យដឹងថា មុនពេលកេីតហេតុ គេបានឃើញស្ត្រីម្នាក់បានជិះម៉ូតូម៉ាកស្កុបពី ពណ៌ក្រហម ពាក់ស្លាកលេខ ភ្នំពេញ 1DH 0552 ជិះធ្វើដំណើរតាមបណ្ដោយផ្លូវ បេតុងព្រៃស ទិសដៅពីលិចទៅកេីត លុះមកដល់ចំនុចកេីតហេតុ ដែលជាផ្លូវបំបែកជាបួន ម៉ូតូក៏បន្តដំណើរទៅមុខ ហើយគាប់ជួនពេលនោះក៏ស្រាប់តែបុរសម្នាក់ទៀត បានបេីករថយន្តសណ្តោងកុងតឺន័រម៉ាក ហ៊ីយុនដាយ ពណ៌បៃតង ពាក់ស្លាកលេខ ភ្នំពេញ3A 3583 បេីកធ្វើដំណើរស្របគ្នាហេីយបត់ស្តាំឡេីងទៅផ្លូវ២១៧ក៏ជ្រុលទៅបុកនិងម៉ូតូស្កុបពីពីក្រោយ បណ្តាលឱ្យស្ត្រីជាអ្នកជិះម៉ូតូ រងរបួសកំភួនជេីង ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកដង្កោ ។
ដោយឡែករថយន្តវិញអត់មានរងការខូចខាតអ្វីនោះទេ ហើយអ្នកបេីករក៏មិនរត់គេចទៅណាដែរ ។
ក្រោយកេីតហេតុ ដោយសារដោយមធ្យោបាយនៅកណ្តាលផ្លូវ បង្ករការកកស្ទះចរាចរណ៍ សមត្ថកិច្ចសម្រេចវាស់វែងយកមធ្យោបាយទាំងអស់ទៅរក្សាទុកនៅអធិការដ្ឋាននគរបាលខណ្ឌដង្កោ រងចាំដំណោះស្រាយ ៕ដោយ៖សុខាសែនជ័យ
