កងរាជអាវុធហត្ថក្រុងច្បារមនឃាត់បុរសម្នាក់ញៀនថ្នាំប្រើអំពើហិង្សាក្នុងគ្រួសារ, រុះរើសម្ភារៈក្នុងផ្ទះនិងជេរម្ដាយ

ចែករំលែក៖

ខេត្តកំពង់ស្ពឺ៖ តាមរយៈការប្តឹងពីពលរដ្ឋ តាមលេខទូរស័ព្ទអន្តរាគមន៍សង្គ្រោះបន្ទាន់ Hot Line1292 កម្លាំងកងរាជអាវុធហត្ថខេត្តកំពង់ស្ពឺបានធ្វើការបង្រ្កាបនិងឃាត់ខ្លួនភ្លាមៗជនសង្ស័យម្នាក់ដែលបានប្រើអំពើហិង្សាក្នុងគ្រួសារ និងរុះរេីសម្ភារៈក្នុងផ្ទះ ព្រមទាំងបានជេរប្រមាថម្តាយ។

ក្រោមការចង្អុលបង្ហាញនិងដឹកនាំបញ្ជាដោយផ្ទាល់របស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ កម្លាំងមូលដ្ឋានកងរាជ អាវុធហត្ថក្រុងច្បារមនបានធ្វើការបង្រ្កាបនិងឃាត់ខ្លួនជនសង្ស័យម្នាក់ករណីប្រើអំពើហិង្សាក្នុងគ្រួសារ និងរុះរេីសម្ភារៈក្នុងផ្ទះ ព្រមទាំងបានជេរប្រមាថម្តាយ បញ្ជូនមកកាន់បញ្ជាការដ្ឋានកងរាជអាវុធហត្ថខេត្តកំពង់ស្ពឺកាលពីវេលាម៉ោង១៥និង២០នាទីរសៀលថ្ងៃទី២៦ ខែ សីហា ឆ្នាំ២០២៥ ដោយបានទទួលពាក្យបណ្តឹងតាមរយៈលេខទូរស័ព្ទអន្តរាគមន៍សង្គ្រោះបន្ទាន់Hot Line1292 ពីឈ្មោះ ឈុន សារឿន ភេទស្រី អាយុ៦២ឆ្នាំ មុខរបរលក់ដូរ មានទីលំនៅបច្ចុប្បន្ន ភូមិបុរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺដែលឱ្យដឹងថា មានករណីប្រើអំពើហិង្សាក្នុងគ្រួសារ ដោយកូនប្រុសរបស់គាត់ សង្ស័យថាបែកថ្នាំ(ប្រេីប្រាស់គ្រឿងញៀន) និងរុះរេីសម្ភារៈក្នុងផ្ទះ ព្រមទាំងបានជេរប្រមាថម្តាយថែមទៀតផង។

ភ្លាមៗ កម្លាំងមូលដ្ឋានកងរាជអាវុធហត្ថក្រុងច្បារមនបានចុះទៅដល់ទីតាំង
កេីតហេតុ ធ្វើការបង្ក្រាបនិងឃាត់ខ្លួនជនសង្ស័យម្នាក់នេះបានទាន់ពេលវេលា។ ជនសង្ស័យមានឈ្មោះ វុធ រួន ភេទប្រុស អាយុ៣២ឆ្នាំ មុខរបរលក់ដូរ មានទីលំនៅ ភូមិបូរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ។

...

បច្ចុប្បន្នជនសង្ស័យត្រូវបានកម្លាំងមូលដ្ឋានកងរាជអាវុធហត្តក្រុងច្បារមន បញ្ជូនមកបញ្ជាការដ្ឋានកង
រាជអាវុធហត្ថខេត្តកំពង់ស្ពឺ ដើម្បីបន្តនីតិវិធី៕

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print