ខេត្តកណ្ដាល÷ អនុវត្តតាមបទបញ្ជាលោកវរសេនីយ៍ឯក រស់ ចន្ថា អធិការនគរបាលស្រុកស្អាង កម្លាំងនគរបាលផ្នែកប្រឆាំងគ្រឿងញៀនស្រុកស្អាង សហការជាមួយកម្លាំងនគរបាលប៉ុស្តិ៍រដ្ឋបាលស្វាយប្រទាល បានឃាត់ខ្លួនជនសង្ស័យ៣នាក់ករណីក្សាទុកនិងប្រេីប្រាស់ដោយខុសច្បាប់នូវសារធាតុញៀននៅថ្ងៃទី២៩ ខែសីហា ឆ្នាំ២០២៥ វេលាម៉ោង២ នាចំណុចភូមិឫស្សីជ្រោយ ឃុំស្វាយប្រទាល ស្រុកស្អាង ខេត្តកណ្តាល។
នៅក្នុងប្រតិបត្តិការនេះសមត្ថកិច្ចឃាត់ខ្លួនជនសង្ស័យចំនួន០៣នាក់ រត់គេចខ្លួនចំនួន០២នាក់មាន៖
១-សៅ បូរ៉ា ភេទប្រុស អាយុ៣៥ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិឫស្សីជ្រោយ ឃុំស្វាយប្រទាល ស្រុកស្អាង វិជ្ជមាន មានសារធាតុញៀនក្នុងទឹកនោម (+)ត្រូវបានឃាត់ខ្លួន។
២-ឈ្មោះ ឌុល បឿន ភេទប្រុសអាយុ៣៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិឫស្សីជ្រោយ ឃុំស្វាយប្រទាល ស្រុកស្អាង វិជ្ជមាន មានសារធាតុញៀនក្នុងទឹកនោម (+)ត្រូវបានឃាត់ខ្លួន។
៣-ឈ្មោះម៉ាប់ ផានិត ភេទប្រុស អាយុ ៣០ឆ្នាំ ជនជាតិខ្មែរ មុខរបរមិនពិតប្រាកដមានទីលំនៅភូមិឫស្សីជ្រោយ ឃុំស្វាយប្រទាល ស្រុកស្អាង វិជ្ជមានមានសារធាតុញៀនក្នុងទឹកនោម (+)ត្រូវបានឃាត់ខ្លួន។
៤-ឈ្មោះភា ផាក់ ភេទប្រុស អាយុ២៨ឆ្នាំ មុខរបរមិនពិតប្រាកដ មានទីលំនៅភូមិឫស្សីជ្រោយ ឃុំស្វាយប្រទាល ស្រុកស្អាងរត់គេចខ្លួន និង៥-ឈ្មោះ សេ សុីណា ភេទ ប្រុស អាយុ៣៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិឫស្សីជ្រោយ ឃុំស្វាយប្រទាល ស្រុកស្អាង រត់គេចខ្លួន។
នៅក្នុងប្រតិបត្តិការនេះសមត្ថកិច្ចប្រមូលបានសម្ភារៈ និងវត្ថុតាងចាប់យក៖ ១. សារធាតុញៀនមេតំហ្វេតាមីន(ice) ចំនួន ០៣កញ្ចប់ ទម្ងន់០,៤០ ក្រាម, ២.ទូរស័ព្ទចំនួន១គ្រឿងម៉ាកvivo និង៣.ឧបករណ៍សម្រាប់ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យត្រូវបានឃាត់ខ្លួនបណ្ដោះអាសន្ននៅអធិការដ្ឋាននគរបាលស្រុកស្អាង ដើម្បីកសាងសំណុំរឿងបន្តអនុវត្តតាមនីតិវីធី៕