លោក JOSE MOURINHO បានចែកផ្លូវជាមួយក្លឹបយក្សទួរគី Fenerbahceដោយទើបតែដឹកនាំបាន២ប្រកួតសម្រាប់រដូវកាលថ្មី។

គ្រូបង្វឹកសញ្ជាតិព័រទុយហ្គាល់វ័យ 62 ឆ្នាំចាកចេញពីក្រុមនៅទីក្រុង Istanbul ត្រឹមតែពីរថ្ងៃបន្ទាប់ពីការធ្លាក់ចេញរបស់ពួកគេក្នុងក្របខ័ណ្ឌ Champions League ក្រោមដៃក្លឹប Benfica ។

អតីតអ្នកចាត់ការ Chelsea, Real Madrid និង Manchester United ត្រូវបានស្វាគមន៍ដោយអ្នកគាំទ្ររាប់ពាន់នាក់នៅពេលគាត់បានមកដល់ទីក្រុង Istanbul កាលពីដើមរដូវក្តៅមុន ដោយបង្កើនការរំពឹងទុកនៃការបញ្ចប់ការគ្រប់គ្រងរបស់ក្លឹប Galatasaray នាពេលថ្មីៗនេះ។ ប៉ុន្តែការចាប់ផ្តើមមិនស៊ីសង្វាក់គ្នារបស់ Fenerbahce ក្នុងរដូវកាលនេះ និងការមិនសូវមានលទ្ធផលល្អនៅទ្វីបអឺរ៉ុបផងបានធ្វើឱ្យតំណែងរបស់គាត់ស្ថិតនៅក្រោមសម្ពាធដ៏ក្តៅ។

Mourinho មិន​បាន​ឈ្នះ​ពាន​រង្វាន់​ណា​មួយ​ឡើយ​ក្នុង​អំឡុង​ពេល​ដែល​លោក​ធ្វើ​ជា​គ្រូ​បង្វឹក Fenerbahce ដោយ​បាន​ធ្លាក់​ចេញ​ពី​ពាន​រង្វាន់ Turkish Cup ក្នុង​វគ្គ 1/4 ផ្តាច់​ព្រ័ត្រ និង​បាន​ធ្លាក់​ ក្នុង​ការ​ប្រកួត Europa League ជុំ​ទី 16 កាល​ពី​ឆ្នាំ​មុនដោយចាញ់ក្រុមRangers។

ក្រុមរបស់គាត់បានចាញ់ក្រុម Benfica ក្នុងលទ្ធផល 1-0 ក្នុងការប្រកួតវគ្គ Play-Off នៃក្របខ័ណ្ឌ Champions League ដ៏សំខាន់របស់ពួកគេកាលពីយប់ថ្ងៃពុធ ដោយបានស្មើ 0-0 ក្នុងទីក្រុង Istanbul កាលពីសប្តាហ៍មុន។

លោក Mourinho ដែលធ្លាប់បានដឹកនាំក្រុម១០មកហើយនោះបានឡើងមកដឹកនាំនៅ Fenerbahce នៅរដូវក្តៅឆ្នាំ 2024 រយៈពេលប្រាំមួយខែបន្ទាប់ពីត្រូវបានក្រុមអ៊ីតាលី Roma បណ្តេញចេញ។