Galatasaray បានចុះហត្ថលេខាទិញខ្សែបម្រើសញ្ជាតិអាល្លឺម៉ង់ដែលមានបទពិសោធន៍ Ilkay Gundogan ពី Manchester City លើការផ្ទេរដោយឥតគិតថ្លៃ។ កីឡាករវ័យ 34 ឆ្នាំបានយល់ព្រមលើកិច្ចព្រមព្រៀងមួយលេងរហូតដល់ចុងបញ្ចប់នៃរដូវកាល 2026-27 ជាមួយនឹងក្រុមជើងឯកប្រទេសទួរគី។

Gundogan នៅសល់រយៈពេលមួយឆ្នាំទៀតលើកិច្ចសន្យារបស់ City ប៉ុន្តែត្រូវបានអនុញ្ញាតឱ្យចាកចេញជាមួយនឹងទីផ្សារដោះដូរកីឡាកររបស់ប្រទេសទួរគីបើករហូតដល់ថ្ងៃទី 12 ខែកញ្ញា។

Gundogan បានបង្ហាញខ្លួនចំនួន 358 ដងក្នុងការលេង ជាមួយ Man City ដោយស៊ុតបញ្ចូលទីបាន 65 គ្រាប់ និងឈ្នះពានរង្វាន់ចំនួន 14 រួមទាំង Premier League, FA Cup និង Champions League ចំនួនបីដងក្នុងឆ្នាំ 2023 នៅពេលដែលគាត់បានធ្វើជាប្រធានក្រុម។

Gundogan គឺជាកីឡាករដំបូងរបស់ លោក Pep Guardiola ទិញសម្រាប់ Man City ក្នុងឆ្នាំ 2016 ហើយបានចំណាយពេល 7 ឆ្នាំនៅទីនោះ មុនពេលដែលគាត់បានចូលរួមជាមួយ Barcelona ក្នុងការផ្ទេរដោយឥតគិតថ្លៃនៅឆ្នាំ 2023 ។

គាត់បានចូលរួមជាមួយ Man City ម្តងទៀតក្នុងខែសីហា ឆ្នាំ 2024 និងបានបង្ហាញខ្លួន 33 ប្រកួតនៅ Premier League កាលពីរដូវកាលមុន ខណៈដែលក្រុមរបស់លោក Guardiola បានបញ្ចប់ក្នុងចំណាត់ថ្នាក់លេខ 3 ។ Gundogan ដែលកើតនៅទីក្រុង Gelsenkirchen របស់អាឡឺម៉ង់ពីឪពុកម្តាយទួរគីបានឈ្នះ Premier League ប្រាំដងនៅ City ក៏ដូចជា Champions League ក្នុងឆ្នាំ 2022-23 ។ គាត់ធ្លាប់លេងឱ្យ Bochum, Nuremberg និង Borussia Dortmund ។