រថភ្លើងដឹកទំនិញមួយបានធ្លាក់ចូលទៅក្នុងឡានក្រុងពីរជាន់នៅទីក្រុង Atlacomulco រដ្ឋ Estado de México ដោយបានសម្លាប់មនុស្សយ៉ាងហោចណាស់ 8 នាក់ និង 45 នាក់ផ្សេងទៀតរងរបួស។
ការិយាល័យរដ្ឋអាជ្ញានៃរដ្ឋ Estado de México បាននិយាយថា ឡានក្រុងដែលដំណើរការដោយក្រុមហ៊ុនដឹកជញ្ជូន Herradura de Plata កំពុងធ្វើដំណើរពីទីក្រុង El Oro ទៅកាន់រដ្ឋធានី Mexico City នៅពេលដែលវាត្រូវបានបុកដោយរថភ្លើងនៅផ្លូវរថភ្លើងឆ្លងកាត់។ ជនរងគ្រោះដែលរងរបួសធ្ងន់ជាច្រើននាក់ត្រូវបានបញ្ជូនទៅមន្ទីរពេទ្យដែលនៅជិតបំផុតដើម្បីព្យាបាលបន្ទាន់។
នៅពេលប៉ះទង្គិចគ្នាមិនមានរនាំងនៅផ្លូវឆ្លងកាត់ ឬមានសញ្ញាព្រមាននោះទេ។ មុននោះ ហ្វូងមនុស្សនៅតែតម្រង់ជួរដើម្បីឆ្លងផ្លូវរថភ្លើង។
នាពេលថ្មីៗនេះ ប្រទេសម៉ិចស៊ិកបានកត់ត្រានូវឧបទ្ទវហេតុធ្ងន់ធ្ងរជាបន្តបន្ទាប់ដែលពាក់ព័ន្ធនឹងរថភ្លើង និងរថយន្តដឹកអ្នកដំណើរ។ កាលពីខែមីនា ការបុកគ្នារវាងរថយន្តក្រុងនឹងរថភ្លើងក្នុងរដ្ឋ Colima បានបណ្តាលឲ្យមនុស្សពីរនាក់ស្លាប់ និង ២១នាក់រងរបួស។ កាលពីខែមករា ឧបទ្ទវហេតុស្រដៀងគ្នានេះបានកើតឡើងនៅ Nuevo León ដោយបានសម្លាប់មនុស្សម្នាក់ និងរបួស 26 នាក់។ មុននេះនៅក្នុងរដ្ឋ Tamaulipas ការប៉ះទង្គិចគ្នារវាងរថភ្លើង និងរថយន្តក្រុងដឹកអ្នកដំណើរបានសម្លាប់មនុស្ស 16 នាក់ និង 22 នាក់ផ្សេងទៀតរងរបួស។
ឧប្បត្តិហេតុជាបន្តបន្ទាប់រវាងរថភ្លើង នឹងយានជំនិះផ្សេងទៀតបានបង្កើនសំឡេងរោទិ៍អំពីស្ថានភាពសុវត្ថិភាពផ្លូវដែកនៅក្នុងប្រទេសម៉ិចស៊ិក ជាពិសេសហានិភ័យដែលបង្កឡើងដោយរថយន្តតាមផ្លូវដែលព្យាយាមឆ្លងកាត់ផ្លូវដែកនៅពេលរថភ្លើងកំពុងខិតជិតមកដល់៕ ដោយធីរីណា

រូប​ថត​: VTV