អន្តរជាតិ ៖ ថ្ងៃទី ១១ ខែកញ្ញា តុលាការកំពូលសហព័ន្ធប្រេស៊ីលបានប្រកាសថា លោក Jair Bolsonaro អតីតប្រធានាធិបតីប្រេស៊ីលត្រូវកាត់ទោសពីបទរៀបចំផែន ការធ្វើរដ្ឋប្រហារ និង ត្រូវ ដាក់ពន្ធនាគារ ២៧ ឆ្នាំនិង ៣ ខែ ដែលក្លាយជា អតីតប្រធានាធិបតីរូប ទីមួយ ក្នុងប្រវត្តិសាស្រ្តប្រេស៊ីលដែល ត្រូវកាត់ទោសដោយសាររៀបចំផែន ការធ្វើរដ្ឋប្រហារ។

គួរបញ្ជាក់ថា លោក Jair Bolsonaro និង សម្ព័ន្ធមិត្ត នយោបាយស្នូល ចំនួន ៧ នាក់ទៀត របស់គាត់ត្រូវបានចោទប្រកាន់ពីបទប៉ុនប៉ងធ្វើរដ្ឋប្រហារ បន្ទាប់ពីចាញ់ការបោះឆ្នោតជ្រើសរើសប្រធានាធិបតី នាឆ្នាំ ២០២២។ បច្ចុប្បន្ន លោក Jair Bolsonaro កំពុងជាប់ឃុំនៅក្នុងផ្ទះ។
ពេលថ្មីៗកន្លងទៅនេះ លោកត្រាំ ប្រធានាធិបតីអាមេរិកបានអះអាងថា លោកJair Bolsonaro បានរងការ គាបសង្កត់ខាងនយោបាយ ហើយបាន ដំឡើងពន្ធគយ ៤០%លើផលិតផលប្រេស៊ីលនាំចូលអាមេរិក ដែលបាននាំឱ្យ រដ្ឋាភិបាលនិងសាធារណៈមតិប្រេស៊ីលមិនពេញចិត្តយ៉ាងខ្លាំង៕

ប្រភព ៖ (CCFR)