ខេត្តបន្ទាយមានជ័យ : លោកបណ្ឌិត ទូច សុឃៈ អ្នកនាំពាក្យរងក្រសួងមហាផ្ទៃ បានអោយដឹងនៅព្រឹកថ្ងៃទី២២ ខែកញ្ញា ឆ្នាំ២០២៥នេះថា , ពាក់ព័ន្ធនឹងលោកវរៈសេនីយ៍ទោ ពៅ វុទ្ធី ហៅ ធីស្នា មេបញ្ជាការរងវរៈសេនាតូច ៨៩១ ដែលបានគប់គិតជាមួយឈ្មួញលួចនាំផលិតផលថៃចូលដោយខុសច្បាប់នៅក្រុងប៉ោយប៉ែត ខេត្តបន្ទាយមានជ័យ នោះ ចំពោះមុខ ថ្នាក់ដឹកនាំក្រសួងមហាផ្ទៃ នឹងចេញសេចក្តីសម្រេចផ្អាកការងារជាបណ្តោះអាសន្នឆាប់ៗនេះ ដេីម្បីបេីកផ្លូវអោយតុលាការបន្តនិតិវិធីតាមផ្លូវច្បាប់ ។
ដោយឡែកករណីទី២ ( កូនប្រុសលោក ពៅ វុទ្ធី ) លោកវរសេនីយ៍ត្រី ពៅ រតនា មេប៉ុស្តិ៍ការពារព្រំដែនគោកស្ពានម៉ាឡៃ ដែលសង្ស័យពាក់ព័ន្ធនាំមនុស្សឆ្លងដែនទៅធ្វើការនៅថៃដោយខុសច្បាប់នោះ ក្រុមការងារកំពុងស្រាវជ្រាវស៊េីបបញ្ជាក់បន្ថែម ដេីម្បីមានចំណាត់ការបន្ត ៕
ដោយ : សិលា
