Ternana Calcio ដែលជាក្លឹបតូចមួយនៅក្នុងប្រទេសអ៊ីតាលីបានទាក់ទាញការចាប់អារម្មណ៍យ៉ាងខ្លាំងបន្ទាប់ពីបានតែងតាំងកូនស្រីរបស់អ្នកជំនួញមហាសេដ្ឋី Gianluigi Rizzo ជាប្រធានថ្មីរបស់ក្លឹបដែលបង្កឱ្យមានរលកអ្នកគាំទ្រថ្មីមកពីទូទាំងទ្វីបអឺរ៉ុប។
Claudia Rizzo អាយុ 23 ឆ្នាំឥឡូវនេះបានបង្កើតប្រវត្តិសាស្ត្រជាប្រធានក្លឹបស្ត្រីដំបូងនៅក្នុងរយៈពេល 100 ឆ្នាំរបស់ Ternanaកន្លងមក ។
ភាពស្រស់ស្អាត ភាពឆើតឆាយ និងរបៀបរស់នៅខ្ពស់របស់នាងបានឆក់យកបេះដូងអ្នកគាំទ្របាល់ទាត់យ៉ាងឆាប់រហ័ស។ រូបថតរបស់ Claudia ចូលរួមក្នុងវគ្គហ្វឹកហាត់ និងការប្រជុំក្នុងសម្លៀកបំពាក់ទាន់សម័យ ពាក់ជាមួយនឹងស្បែកជើងកែងខ្ពស់ បានរីករាលដាលយ៉ាងខ្លាំង ដោយមនុស្សជាច្រើនបានសរសើរនាងថាជា “ប្រធានកីឡាបាល់ទាត់ដ៏គួរឱ្យទាក់ទាញបំផុតរបស់ពិភពលោក” ។
ការចូលរួមរបស់អ្នកគាំទ្របានកើនឡើងយ៉ាងឆាប់រហ័ស។ អ្នកគាំទ្រម្នាក់បានបញ្ចេញមតិថា “មិនដែលឮឮឈ្មោះក្លឹប Ternana ពីមុនទេ។ ឥឡូវខ្ញុំជាអ្នកគាំទ្រពេញមួយជីវិត”។
នៅលើទីលានប្រកួត Ternana នៅតែជាក្រុមពាក់កណ្តាលតារាងក្នុង Serie C ដែលជាលីកលំដាប់ទី 3 នៃបាល់ទាត់អ៊ីតាលី ប៉ុន្តែការចាប់អារម្មណ៍លើអ៊ីនធឺណិតទូទាំងពិភពលោកបានធ្វើឱ្យពួកគេក្លាយជាក្លឹបមួយក្នុងចំណោមក្លឹបដែលត្រូវបានគេអំពីនិយាយច្រើនបំផុតនៅក្នុងប្រទេស។
នៅក្នុងសន្និសីទសារព័ត៌មានលើកដំបូងរបស់នាងកាលពីថ្ងៃទី 20 ខែកញ្ញា Claudia បាននិយាយថា “ខ្ញុំមានកិត្តិយសក្នុងការធ្វើជាប្រធានក្លឹបដែលមានប្រវត្តិដ៏មានកិត្យានុភាពដូច Ternana Calcio។ គោលដៅរបស់យើងគឺដើម្បីកសាងគម្រោងដ៏រឹងមាំ ទំនើប និងតម្លាភាព។យើងនឹងធ្វើការដោយការប្ដេជ្ញាចិត្តដើម្បីស្ដារភាពរីករសយ និងមោទនភាពដល់អ្នកគាំទ្រទាំងអស់”។
ឪពុករបស់នាង Gianluigi គឺជាអ្នកជំនួញក្នុងវិស័យថែទាំសុខភាពឯកជន និងជាម្ចាស់ក្រុមហ៊ុន Villa Claudia Group ដែលបានទិញយកក្លឹប Ternana។
មុនពេលកាន់កាប់ Ternana នាងបានគ្រប់គ្រងអាជីវកម្មប្រេងអូលីវរបស់គ្រួសារនាងនៅទីក្រុងស៊ីស៊ីលី៕
