ភ្នំពេញៈ រថយន្ត(ឆារ៉ូឡេត)ស៊េរីទំនេីបមួយគ្រឿងបេីកបរដោយ ស្រីស្អាតម្នាក់ បានជ្រុលទៅបុករបាំងថ្មពុះចែកផ្លូវបាក់អស់៥កង់ ខណះ ពេលមេឃកំពុងតែភ្លៀងរលឹមស្រិចៗក៏ វ៉ារថយន្តគេមួយគ្រឿងទៀតនៅពីមុខ ។
ហេតុការណ៍ខាងលេីនេះបានកេីតឡេីង កាលពីវេលាម៉ោង៦និង៣០នាទីល្ងាចថ្ងៃទី៤ ខែសីហា ឆ្នាំ២០១៥ នៅតាមបណ្តោយផ្លូវកម្ពុជាក្រោម (ផ្លូវលេខ១២៨ )ទល់មុខផ្ទះលេខ៧៣៥ សង្កាត់ទឹកល្អក់ទី១ ខណ្ឌទួលគោក ។
តាមប្រពភព័ត៌មានពីសាក្សីនៅកន្លែងកេីតហេតុ បានឲ្យដឹងថា នៅមុនពេលកើតហេតុ គេឃើញរថយន្តបង្កម៉ាកឆារ៉ូឡេត ពណ៌ទឹកប្រាក់ ពាក់ស្លាកលេខ ភ្នំពេញ2AD 8376បើកបរដោយនារីរូបស្រស់ម្នាក់ ដោយ ធ្វើដំណើរតាមបណ្តោយផ្លូវកម្ពុជាក្រោម ទិសដៅពីកើតទៅលិច លុះបេីកមកដល់ចំណុចកើតហេតុ រថយន្តបង្កបានជែងជាមួយរថយន្តមួយគ្រឿងទៀតដែលធ្វើដំណើរស្របទិសគ្នា ភ្លាមនោះរថយន្តបង្កវ៉ាមិនផុតក៏រ៉េចង្កូតជ្រុលទៅបុករបាំងថ្មពុះចែកទ្រូងផ្លូវបណ្តាលបាក់អស់៥កង់រងការខូចខាតតែម្តង ។
ក្រោយកេីតហេតុគេឃើញស្រីស្អាតដែលបេីករថយន្តបង្កបានចុះពីលេីរថយន្ត ហេីយបាន កន្លះម៉ោងគេឃេីញមានរថយន្តមួយគ្រឿងទៀតមកដឹកចេញទៅបាត់ ដោយបន្សល់ទុករថយន្តនៅនិងកន្លែងកេីតហេតុផងដែរ ។
បន្ទាប់មកគេឃេីញសមត្ថកិច្ចជំនាញចុះទៅស្ទួចយករថយន្តបង្កនោះទៅរក្សាទុកនៅ នគរបាលចរាចរណ៏ជើងគោករាជធានីភ្នំពេញ រងចាំម្ចាស់ចូលមកដោះស្រាយសងទ្រព្យសម្បត្តិរដ្ឋ ៕ស ដារ៉ា
