ខេត្តបាត់ដំបង៖ ស្នងការដ្ឋាននគរបាលខេត្តបាត់ដំបង នៅព្រឹកថ្ងៃទី៥ ខែវិច្ឆិកា ឆ្នាំ២០២៥នេះ បានឱ្យដឹងថា កម្លាំងនគរបាលស្រុកមោងឫស្សី និងស្រុកគាស់ក្រឡបន្តចុះស្រាវជ្រាវស្វែងរក និងចាត់វិធានការតាមផ្លូវច្បាប់អ្នកបង្កជន្លោះដោយហិង្សាចំនួន ៧នាក់ទៀត នៅស្រុកគាស់ក្រឡ ។
ជាក់ស្ដែងថ្ងៃទី០៤ខែ វិច្ឆិកា ឆ្នាំ២០២៥ លោកអនុសេនី យ៍ឯក ចាន់ ថានូ អធិការនគរបាលស្រុកគាស់ក្រឡសហការជាមួយលោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី តាមស្វែងរកនិងឃាត់ខ្លួនអ្នកបង្កហិង្សា កាលពីថ្ងៃទី០២ខែ វិច្ឆិកា ឆ្នាំ២០២៥នៅស្រុកគាស់ក្រឡ ចំនួន០១នាក់ បន្ថែមទៀត បញ្ជាូនមកអនុវត្តតាមច្បាប់។
សូមបញ្ជាក់ជូនថា កាលពីថ្ងៃទី ០២ ខែវិច្ឆិកា ឆ្នាំ២០២៥វេលាម៉ោងប្រមាណ១៥ និង៣០នា ទីចំណុចភូមិរ៉ា ឃុំធិបតី ស្រុកគាស់ក្រឡ ខេត្តបាត់ដំបង មានករណីវាយគប់គ្នាទៅវិញទៅមកដែលមានគ្នា ០២ក្រុមបង្កការភ្ញាក់ផ្អើលក្នុងពិធីបុណ្យកឋិនមួយ ដូចនេះកងកម្លាំងនគរបាលស្រុកគាស់ក្រឡ រួមកម្លាំងប៉ុស្តិ៍នគរបាលរដ្ឋបាលធិបតីចុះដល់ទីតាំងកន្លែងកើតហេតុនិងបានឃាត់មនុស្សចំនួន ០៧ នាក់ខណៈអ្នកប្រព្រឹត្តិផ្សេងទៀតបានគេចខ្លួនពីកន្លែងកើតហេតុ។
តាមលទ្ធផលនៃការស្រាវជ្រាវ សមត្ថកិច្ចបានបន្តស្វែងរកឃាត់ខ្លួនអ្នកបង្កហេតុជាបន្តបន្ទាប់ទៀត ក្នុងខណៈសាវតាជាតិរបស់គេក៏សមត្ថកិច្ចបានដឹងច្បាស់និងបញ្ជូនមករួចហេីយ៕
ដោយ៖តារា
