ខេត្តស្វាយរៀង៖ សមត្ថកិច្ចនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តស្វាយរៀងបានធ្វើសន្និសិទកាសែតនៅព្រឹកថ្ងៃទី៩ ខែកញ្ញា ឆ្នាំ២០១៦ បង្ហាញមុខជនសង្ស័យជាប្ដីដែលបានវាយប្រពន្ធរហូតដល់ស្លាប់ដោយមូលហេតុផឹកស្រាស្រវឹងហើយប្រចណ្ឌនឹងអ្នកដទៃ។

លោកកែវ សុថា នាយការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តស្វាយរៀងបានឲ្យដឹងថា ជនសង្ស័យជាប្ដីមានឈ្មោះផុន ចាន្នី មុខរបរកសិករ ត្រូវបានឃាត់ខ្លួនបាននៅខេត្តរតនគីរី។

ចំពោះជនរងគ្រោះជាប្រពន្ធដែលស្លាប់មានឈ្មោះរស់ សាម៉ុន អាយុ៤០ឆ្នាំ មុខរបរកសិករ មានទីលំនៅភូមិត្រពាំងថ្កូវ ឃុំពងទឹក ស្រុករំដួល ខណៈត្រូវប្ដីវាយនៅវេលាម៉ោង១យប់ថ្ងៃទី៦ ខែកញ្ញា ឆ្នាំ២០១៦ នៅចំណុចភូមិអណ្ដូងក្រសាំង ឃុំពងទឹក ស្រុករំដួល៕

ដោយ៖ យឹម សុថាន