ភ្នំពេញ ៖ លោកឧត្តមសេនីយ៍ឯក ជួន ណារិន្ទ អគ្គស្នងការរង នគរបាលជាតិ និងជាស្នងការនគរបាលរាជធានីបញ្ជាក់ហើយថា ៖ សមត្ថកិច្ចកំពុងស្នើសុំដីកាតាមចាប់ខ្លួនមុខសញ្ញាក្មេងទំនើងគប់រថយន្តនៅវត្តភ្នំ ដោយមិនឱ្យគេចខ្លួនបានមួយជីវិតឡើយ។

 

ឥឡូវក្មេងទំនើងម្នាក់ទៀត ដែលចូលរួមដេញគប់ និងវាយឡាននៅខណ្ឌដូនពេញ ត្រូវបានកម្លាំងនគរបាលរាជធានីភ្នំពេញ តាមចាប់ខ្លួន។

 

ជនទំនើងម្នាក់នេះ ជាអ្នកយកផ្លែដូងគប់ទៅលើឡាន។ គិតត្រឹមថ្ងៃទី២១ ខែមេសា ឆ្នាំ២០២៦នេះ ក្រុមដៃដល់ដែលបង្កភាពអនាធិបតេយ្យនៅក្នុងសង្គមមួយនេះ ចំនួន១១នាក់ហើយ ដែលកម្លាំងនគរបាលតាមចាប់ ៕

ដោយ ៖ សិលា