ខេត្តតាកែវ៖ ថ្ងៃទី២២ ខែកក្កដា ឆ្នាំ២០២៦ដោយទទួលបានបទបញ្ជាពីលោកឧត្តមសេនីយ៍ត្រី សេង មហា មេ បញ្ជាការកងរាជអាវុធហត្ថខេត្តតាកែវនិងសម្របសម្រួល នីតិវិធីដោយលោកឯក ឆេងហួតព្រះរាជអាជ្ញាអមសាលា ដំបូងខេត្តតាកែវ នៅថ្ងៃទី២០ ខែកក្កដា ឆ្នាំ២០២៦ កម្លាំងមន្ទីរស្រាវជ្រាវនឹងបង្រ្កាបបទល្មើស បានសហការជាមួយ កម្លាំងមូលដ្ឋានកងរាជអាវុធហត្ថស្រុកសំរោង និងកម្លាំងមូលដ្ឋានកងរាជអាវុធហត្ថស្រុកព្រៃកប្បាស ដឹកនាំដោយលោកអនុសេនីយ៍ឯក ជួន តូរៈតៈ នាយការិយាល័យប្រឆាំងគ្រឿងញៀន បានចុះប្រតិបត្តិការ បង្ក្រាបករណី រក្សាទុក ជួញដូរ នឹងប្រើប្រាស់ដោយខុសច្បាប់ នូវសារធាតុញៀន ចំនួន២ទីតាំង

+ទីតាំងទី១ ស្ថិតនៅចំណុចលើខ្នងប្រឡាយខាងលិចភូមិ ស្ថិតនៅភូមិជុំរុំ ឃុំព្រៃផ្ដៅ ស្រុកព្រៃកប្បាស ខេត្តតាកែវ។
+ទីតាំងទី២ ស្ថិតនៅចំណុចផ្លូវលំខាងកើតវត្តចំណោម ស្ថិតនៅភូមិចំណោម ឃុំកំពែង ស្រុកព្រៃកប្បាស ខេត្តតាកែវ។

នៅក្នុងប្រតិបត្តិការនេះលទ្ធផលឃាត់ខ្លួនជនសង្ស័យបានចំនួន ២ នាក់ (ប្រុស)
១/ ឈ្មោះ វិត ពៅ ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិព្រៃផ្ដៅ ឃុំព្រៃផ្តៅ ស្រុកព្រៃកប្បាស និង២/ ឈ្មោះ ហៃ គឹមហុង ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិចំណាម ឃុំកំពែង ស្រុកព្រៃកប្បាស ខេត្តតាកែវ។

+ ដកហូតវត្ថុតាងរួមមាន÷
១/ ម្សៅក្រាមពណ៌សថ្លា ចំនួន ៣៨ កញ្ចប់ ទម្ងន់១៨.៧៨ក្រាម (ថ្លឹងទាំងសំបកថង់)
២/ ទូរស័ព្ទ ចំនួន ៣ គ្រឿង
៣/ ជញ្ជីងថ្លឹងថ្នាំញៀនចំនួន ១ គ្រឿង
៤/ សម្ភារៈវេចខ្ចប់និងសម្ភារៈប្រើប្រាស់គ្រឿងញៀនមួយចំនួន។

បច្ចុប្បន្ន ជនសង្ស័យ រួមនិងវត្ថុតាង ការិយាល័យជំនាញ កំពុងកសាងសំណុំរឿងបញ្ជូនទៅសាលាដំបូងខេត្តតាកែវ ចាត់ការតាមនីតិវិធី៕

ដោយ៖ សុរិយា