ភ្នំពេញ៖ នាវេលាម៉ោង២៣និង៣០នាទី ថ្ងៃទី២៥ ខែកញ្ញា ឆ្នាំ២០១៦ កម្លាំងអធិការដ្ឋាននគរបាល ខណ្ឌសែនសុខបានធ្វើការឃាត់ខ្លួនជនសង្ស័យចំនួន៣នាក់ ករណីមុខសញ្ញាប្រើប្រាស់ដាវសាម៉ូរ៉ៃ នៅចំណុច តាមបណ្តោយផ្លូវ១០១៩ ភុមិពោងពាយ សង្កាត់ភ្នំពេថ្មី ខណ្ឌសែនសុខ។
ជនសង្ស័យមានឈ្មោះ ១.ឈ្មោះសាឡៅសុខហេង ភេទប្រុសអាយុ២០ឆ្នាំ -២ឈ្មោះលឹម ភាភេទប្រុស អាយុ២២ឆ្នាំ និង៣ ឈ្មោះប៉ុន ភក្តី ភេទប្រុស អាយុ១៨ឆ្នាំ និងដកហូតម៉ូតូ០១គ្រឿងម៉ាកនិចពណ៍ស។
ប្រភពព័ត៌មានបានឲ្យដឹងថា មុនពេលឃាត់ខ្លួន កម្លាំងល្បាតអធិការដ្ឋាននគរបាលខណ្ឌសែនសុខបានធ្វើការល្បាតក្នុងភូមិសាស្ត្រសង្កាត់ភ្នំពេញថ្មី ដល់ចំណុចខាងលើ ឃើញម៉ូតូ១គ្រឿងជិះគ្នា៣នាក់ ដោយមានការសង្ស័យកម្លាំងបានឃាត់ម៉ូតូឲ្យឈប់ តែជនសង្ស័យបានជិះម៉ូតូព្យាយាមគេចខ្លួន ហើយកំលាំងបានធ្វើការដេញតាមជនសង្ស័យ ទាំង០៣ដល់ចំណុចរង្វងលមូលកាំកូសុីធី ទើបឃាត់ខ្លួនជនសង្ស័យបានទាំង៣នាក់យកមកធ្វើការសាកសួរ រួចជនសង្ស័យបានឆ្លើយថា ដាវសាម៉ូរ៉ៃដែលពួកខ្លួនបានបោះចាលតាមផ្លូវ៕
ដោយ៖ តុង សីហា
