កីឡាករ Lionel Messi ត្រូវបានកោះហៅចូលក្រុមជម្រើសជាតិអាហ្សង់ទីន ដើម្បីបង្ហាញខ្លួនក្នុងការប្រកួតលាគ្នា នៅក្នុងការប្រកួតមិត្តភាពលើទឹកដីខ្លួនឯងនៅខែតុលា បន្ទាប់ពីលោកបានប្រកាសចូលនិវត្តន៍ពីបាល់ទាត់អន្តរជាតិ។ នេះបើតាមការបញ្ជាក់របស់សមាគមបាល់ទាត់អាហ្សង់ទីន (AFA) កាលពីថ្ងៃអង្គារ។

លោក Claudio Tapia ប្រធាន AFA បានសរសេរលើបណ្តាញសង្គមថា៖ «យើងបានអញ្ជើញកីឡាករល្អបំផុតក្នុងពិភពលោក កីឡាកររូបតំណាងរបស់ក្រុមជម្រើសជាតិរបស់យើង និងប្រធានក្រុមរបស់យើង Lionel Andres Messi ដើម្បីចូលរួមក្នុងការប្រកួតលាគ្នាដ៏សមរម្យមួយ នៅថ្ងៃទី៦ ខែតុលា នៅទីនេះក្នុងប្រទេសអាហ្សង់ទីន»។

អាហ្សង់ទីននឹងប្រកួតមិត្តភាពក្នុងដីចំនួន ៣ ប្រកួត ក្នុងអំឡុងពេល FIFA International Window ចាប់ពីថ្ងៃទី២១ ខែកញ្ញា ដល់ថ្ងៃទី៦ ខែតុលា ដែលជាការប្រកួតដំបូងរបស់ពួកគេ ចាប់តាំងពីការប្រកួត World Cup។

អាហ្សង់ទីននឹងជួបក្រុមជម្រើសជាតិ Benin នៅកីឡដ្ឋាន Monumental ក្នុងទីក្រុង Buenos Aires នៅថ្ងៃទី៦ ខែតុលា។ នៅក្នុងការប្រកួតនេះ Messi ដែលបានប្រកាសចូលនិវត្តន៍ពីបាល់ទាត់អន្តរជាតិកាលពីខែមុន ត្រូវបានអញ្ជើញឱ្យចូលរួម ដើម្បីធ្វើជាការប្រកួតលាគ្នារបស់លោក។

មុននោះ អាហ្សង់ទីននឹងជួប Bolivia នៅកីឡដ្ឋាន Mario Kempes ក្នុងទីក្រុង Cordoba នៅថ្ងៃទី៣០ ខែកញ្ញា មុនត្រឡប់ទៅទីក្រុង Buenos Aires ដើម្បីទទួល Burkina Faso នៅថ្ងៃទី៣ ខែតុលា។

ការប្រកួតជាមួយ Bolivia នឹងធ្វើឡើងដោយកាត់បន្ថយចំនួនអ្នកទស្សនា ៥០% ជាផ្នែកមួយនៃទណ្ឌកម្មរបស់ FIFA ពាក់ព័ន្ធនឹងហេតុការណ៍ដែលបានកើតឡើងក្នុងអំឡុង World Cup ឆ្នាំនេះ។

AFA បានប្រកាសក្នុងសេចក្តីថ្លែងការណ៍ថា៖ «កីឡាករ Messi, Rodrigo De Paul និង Giovani Lo Celso នឹងមានវត្តមាន ដើម្បីចូលរួមក្នុងការប្រកួតមិត្តភាពចុងក្រោយនៅថ្ងៃទី៦ ខែតុលា។ ចំណែកឈ្មោះកីឡាករដែលត្រូវបានកោះហៅពីក្របខណ្ឌក្នុងស្រុក នឹងត្រូវប្រកាសនៅថ្ងៃសុក្រ»។

កីឡាករ Leandro Paredes, Nahuel Molina និង Thiago Almada ត្រូវអនុវត្តទណ្ឌកម្មព្យួរការប្រកួតចំនួន ១០ ប្រកួត, ៧ ប្រកួត និង ១ ប្រកួតរៀងៗខ្លួន ដោយសារតួនាទីរបស់ពួកគេក្នុងហេតុការណ៍ប្រឈមមុខគ្នា បន្ទាប់ពីការប្រកួត World Cup វគ្គផ្តាច់ព្រ័ត្រ ជាមួយអេស្ប៉ាញ។

បញ្ជីកីឡាករអាហ្សង់ទីន

អ្នកចាំទី៖

– Emiliano Martinez
– Juan Musso
– Geronimo Rulli

ខ្សែការពារ៖

– Agustin Giay
– Leonardo Balerdi
– Cristian Romero
– Lisandro Martinez
– Juan Foyth
– Facundo Medina
– Nicolas Tagliafico
– Roman Vega

ខ្សែបម្រើ៖

– Enzo Fernandez
– Alexis Mac Allister
– Valentin Barco
– Giovani Lo Celso
– Exequiel Palacios
– Rodrigo De Paul
– Nicolas Paz
– Franco Mastantuono

ខ្សែប្រយុទ្ធ៖

– Matias Soule
– Giuliano Simeone
– Nicolas Gonzalez
– Gianluca Prestianni
– Jose Manuel Lopez
– Santiago Castro
– Julian Alvarez
– Lautaro Martinez
– Lionel Messi៕