ភ្នំពេញ៖  មនុស្សប្រុសស្រី៣នាក់ដែលពាក់ព័ន្ធនិងករណីជួញដូរគ្រឿងញៀន ត្រូវបាននគរបាលព្រហ្មទណ្ឌខណ្ឌទួលគោកសហការជាមួយនគរបាលប៉ុស្តិ៍ផ្សារដេប៉ូទី៣ ឃាត់ខ្លួននិងដកហូតបានថ្នាំញៀនមួយចំនួនធំ និងជញ្ជឹងសំរាប់ថ្លឹង១ ហើយរួមទាំងឧបករណ៍សំរាប់ប្រើប្រាស់១ចំនួនធំផងដែរ ក្រោយពីទំនាស់ហឹង្សាដាក់គ្នា ។

ហេតុការណ៍ការចុះបង្រ្កាបនេះបានធ្វើឡើងកាលពីវេលាម៉ោង១១យប់ថ្ងៃទី០៦ ខែសីហា ឆ្នាំ២០១៥ នៅចំនុចបន្ទប់ជួលលេខ៦ផ្ទះលេខ៦០ផ្លូវលេខ១២២ ក្រុម៣៥ ភូមិ៩ ឋិតនៅក្នុង សង្កាត់ផ្សារដេប៉ូ៣ ខណ្ឌទួគោក រាជធានីភ្នំពេញ។

ជនសង្ស័យ២នាក់ដែលឃាត់ខ្លួន ទី១ ឈ្មោះ មាស ឡេវីណា ហៅវីន ភេទប្រុសអាយុ២៦ឆ្នាំ មុខរបរមិនពិតប្រាកដស្នាក់នៅផ្ទះគ្មានលេខ បូរីពិភពថ្មីគោកបញ្ជាន់សង្កាត់ចោមចៅ ខណ្ឌពោធិ៍សែនជ័យ។ ទី២ ឈ្មោះ កុល សុគន្ធា ភេទស្រី អាយុ២៤ឆ្នាំ មុខរបរ លក់ការហ្វេ ស្នាក់នៅផ្ទះគ្មានលេខ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល។ ទី៣ ឈ្មោះ ណុប លក្ខិណា ភេទស្រី អាយុ២៤ មុខរបរអ្នករាប់លុយ ស្នាក់នៅផ្ទះជួល ម្ដុំបុរីកីឡា ផ្លូវ២១១ សង្កាត់វាលវង់ ខណ្ឌ៧មករា ។

តាមប្រភពព័ត៌មានពីសមត្ថកិច្ច បានឲ្យដឹងថា នៅមុនពេលកើតហេតុគឺជនសង្ស័យប្រុសស្រី៣នាក់នេះបានឈ្លោះប្រកែកគ្នានៅចំណុចផ្ទះជួលលេខ៦០ ផ្លូវលេខ១២២ ក្រុម៣៥ ភូមិ៩ សង្កាត់ផ្សារដេប៉ូ៣ ខណ្ឌទួលគោក ខណៈដែលកំពុងតែឈ្លោះគ្នា ។ ហើយពេលដែល ជនសង្ស័យប្រុសស្រីទាំង៣នាក់នោះបាន ឈ្លោះប្រកែកវាយគ្នាទៅវិញទៅមករហូតដល់វាយកញ្ចាក់រថយន្តកាមរីបាឡែន ពណ៌ស្ករ ពាក់ស្លាក់លេខភ្នំពេញ ២W-២៨១១របស់ជនសង្ស័យ ឈ្មោះ ណុប លក្ខិណាវាយបំបែកកញ្ចាក់មុខក្រោយនិងចំហៀងបណ្ដាលអោយបែកខ្ទិចបង្ករអោយមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចតែម្ដង ។

ប្រភពដដែលបានបន្តទៀតថា ក្រោយពេលកើតហេតុ គេឃើញសមត្ថកិច្ចមូលដ្ឋានប៉ុស្តិ៍ផ្សារដេប៉ូ៣ ចុះមកដល់កន្លែងកើតហេតុ បានសួរនាំនិងឃាត់ខ្លួន ជនសង្ស័យទាំង៣នាក់ខាងលើនេះ និងមានការសង្ស័យក៏ធ្វើការឆែកឆេរ រកឃើញ សារធាតុញៀនដែលជនសង្ស័យខាងលើបានក្ដាប់ជាប់នឹងដៃរួចក៏កម្លាំងនគរបាលព្រហ្មទណ្ឌខណ្ឌទួលគោក បានសហការជាមួយស្ថាប័នអយ្យការចុះឆែកឆេបន្ទុបជួលរបស់ជនសង្ស័យ ដកហូតបានសារធាតុញៀនរួមមាន ចំនួន១៦កញ្ជាក់ ប្រភេទម៉ាទឹកកក់(ធំ២កញ្ជាប់និងតូច១៤ កញ្ជាប់) ថ្នាំគ្រាប់៣ ពណ៌ក្រហមឈាមជ្រូកនិងពណ៌បៃតងជាច្រើនគ្រាប់ផងដែរ,ជញ្ជីងសម្រាប់ថ្លឹងគ្រឿងញៀន១, ឧបករណ៍សម្រាប់ប្រើប្រាស់ចំនួន១, ទុយោជ័រ១ថង់, ខ្សែកមួយខ្សែមានបន្តោងរូបព្រះ២អង្គ , ទូរស័ព្ទ ម៉ាកនូគារ ១គ្រឿង, ម៉ូតូ១គ្រឿងម៉ាក ហុងដា អិចអ៊ា គ្មានស្លាកលេខ និងរថយន្ត១គ្រឿងម៉ាករថយន្តកាមរីបាឡែន ពណ៌ស្ករ ពាក់ស្លាក់លេខភ្នំពេញ ២W-២៨១១ យកមកអធិការដ្ឋាននគរបាលខណ្ឌទួលគោក ដើម្បីសាកសួរ ។

បច្ចុប្បន្នជនសង្ស័យទាំង៣នាក់ រួមទាំងវត្ថុតាង ត្រូវបានសមត្ថកិច្ចនាំយកមកអធិការដ្ឋានខណ្ឌទួលគោក និងឃុំខ្លួនបណ្ដោះអាសន្ន ដើម្បីកសាងសំណុំរឿង បញ្ជូនខ្លួនទៅសាលាដំបូងរាជធានីភ្នំចាត់ការតាមនីតិវីធីច្បាប់ ៕

ដោយ៖ ស ដារ៉ា