ខេត្ដកំពត៖ ចោរទមិឡឥតសាសនា មួយក្រុមមានគ្នាប្រមាណ៥-៦នាក់ ប្រើរថយន្ដ២គ្រឿងដោយ១គ្រឿងម៉ាក កាមរីបាឡែនពាក់ស្លាកលេខភ្នំពេញ 2U-6634 រីឯមួយគ្រឿងទៀតចតនៅខាង ក្រៅខ្លោងទ្វារវត្ដមិនស្គាល់ម៉ាកបានធ្វើសកម្មភាពចូលក្នុងកុដិចងក្រៀកភិក្ខុនិងលោកdនេននៅតាមកុដិផ្សេងៗជាប់មិនឱ្យស្រែក ឬធ្វើសកម្មភាពអ្វីបានឡើយ រួចទើបពួកគេប្លន់យកកោដ្ឋមាសមួយ កំណាត់លើមានទម្ងន់ជាង១០តម្លឹងគិតជាទឹកប្រាក់ជាង៣ម៉ឺនដុល្លារសហរដ្ឋ អាមេរិក គ្រាដែលព្រះចៅអធិការវត្ដ បានដាក់ទុកក្នុងកុដិរបស់ព្រះអង្គផ្ទាល់ ហើយចាក់សោទ្វារ២ជាន់ ។ ខណៈព្រះ អង្គមិនគង់នៅជាប់និមន្ដចេញទៅក្រៅ ស្រាប់តែក្រុមចោរចូលលួចតែម្ដង ។
ហេតុការណ៍នេះកើតឡើងកាលពី វេលាម៉ោង១០និង២០នាទីយប់ថ្ងៃទី១១ ខែសីហា ឆ្នាំ២០១៥ នៅក្នុងវត្ដព្រៃតុម្ភ ស្ថិតក្នុងភូមិព្រៃតុម្ភ ឃុំព្រៃឃ្មុំ ស្រុកទឹក ឈូ ខេត្ដកំពត ។
ប្រភពព័ត៌មានពីពុទ្ធបរិស័ទចំណុះ ជើងវត្ដបានឱ្យដឹងថា ក្នុងចំណោមចោរ ទាំង៥-៦នាក់នោះមានម្នាក់ត្រូវបាន ព្រះចៅអធិការវត្ដព្រះនាម ជួប សុភាព ព្រះអង្គបានស្គាល់គឺឈ្មោះ ឯក ចន្ថា ដែលកាលពីដើមរស់នៅចេញចូលក្នុង វត្ដមួយនេះ ។
ក្រោយពីចៅអធិការវត្ដ បានកំណត់មុខសញ្ញារួចហើយព្រះអង្គ ទូរស័ព្ទទៅជួបជនសង្ស័យ ឯក ចន្ថា ហើយឈ្មោះនេះបានឆ្លើយតបមកព្រះ អង្គវិញថា ដោយសារខ្លួនត្រូវការរបស់ នេះជាចាំបាច់ទើបធ្វើយ៉ាងនេះ ។ ឈ្មោះ ឯក ចន្ថា បានសន្យាថា រង់ចាំព្រឹកថ្ងៃ ទី១២ ខែសីហាគេនឹងប្រគល់យកមកឱ្យ វត្ដវិញ ប៉ុន្ដែមកដល់រសៀលថ្ងៃទី១២ ខែសីហាម្សិលមិញនេះជនសង្ស័យបិទ ទូរស័ព្ទទំនាក់ទំនងមិនបានឡើយ ។
ប្រភពដដែលឱ្យដឹងទៀតថា កន្លង មកម្ចាស់កោដ្ឋបានប្រាប់ព្រះចៅអធិការវត្ដព្រៃតុម្ភថាកោដ្ឋដាក់ធាតុមួយនេះ មាន៥កំណាត់ធ្វើឡើងអំពីមាសសុទ្ធមាន ទម្ងន់ជាង៣០តម្លឹងដាំពេជ្រគ្រាប់តូចៗ ចំនួន២០០គ្រាប់ ។ នៅកំណាត់លើត្រូវ ចោរប្លន់យកទៅដោយមានគ្រាប់ពេជ្រតូចៗសុទ្ធចំនួន២០០គ្រាប់ ។ ក្នុងខណៈ ដែលក្រុមចោរចូលប្លន់យកទ្រព្យសម្បត្ដិ រក្សាទុកក្នុងវត្ដដ៏មានតម្លៃនេះគឺពួកវា បានធ្វើសកម្មភាពចូលទៅក្រៀក ។
មកដល់ពេលនេះកម្លាំងសមត្ថកិច្ច នគរបាលនិងកងរាជអាវុធស្រុកនិងខេត្ដកំពតកំពុងសហការគ្នាតាមប្រមាញ់ចាប់ ក្រុមចោរប្លន់ខាងលើនេះហើយសមត្ថ កិច្ចបានអះអាងថាមិនយូរមិនឆាប់នឹង ចាប់ឱ្យបានព្រោះសមត្ថកិច្ចស្គាល់អត្ដសញ្ញាណក្រុមនេះ អស់ហើយ ៕
ដោយ៖ សហការី
