ភ្នំពេញ៖ តារាចម្រៀងប្រុសស្រីល្បីៗទាំងខ្មែរ ថៃ និងកូរ៉េ បានបទញាក់កន្ត្រាក់អារម្មណ៍ទាំងអស់ដែលធ្វើឲ្យចូលទស្សនា រំភើបរីករាយនិងបានជួបផ្ទាល់ជាមួយនឹងតារាក្នុងដួងចិត្តរបស់ពួកគេ។ វាគឺជាព្រឹត្តិការណ៍ប្រគំតន្ត្រីដ៏កក្រើកល្បីប្រចាំឆ្នាំ២០១៦ Party of The Year របស់ស្រាបៀរ Tuborg បានធ្វើឡើងចុងក្រោយកាលពីរាត្រីថ្ងៃទី១៧ខែធ្នូនេះ នៅកោះពេជ្របន្ទាប់ពីចេញដំណើរទៅខេត្តក្រុងមួយចំនួន។

Party of The Year របស់ស្រាបៀរ Tuborg នេះ មានវត្តមានតារាច្រើន ដូចជា តារាចម្រៀងមុខក្មេងសំឡេងចាស់លោក ណុប ប៉ាយ៉ារិទ្ធ,តារាចម្រៀងស្រីល្បីឈ្មោះខាងបញ្ចេញក្បាច់រាំប្លែកៗ កញ្ញា ទេព បូព្រឹក្ស, តារាចម្រៀងសាច់ខ្ចីសម្តីផ្អែមកញ្ញា ឈិត សុវណ្ណបញ្ញា, ម្ចាស់ពាន The Voice Cambodian រដូវកាលពីរ លោក ថែល ថៃ, តារាចម្រៀង រ៉ក លោក វង្ស ដារ៉ារតនា, តារាចម្រៀងស្រស់បានកញ្ញា លឹម មួយហ្គិច ព្រមទាំងតារាចម្រៀងល្បីថៃ, តារាចម្រៀងមុខស្រដៀង លី យ៉ុងចេ លោក Step , តារាចម្រៀងថៃកញ្ញា Yinglee ម្ចាស់បទ “Your Heart for My Number” និងក្រុមរាំកូរ៉េ Diana។ សំឡេងហ៊ោកញ្ជៀវកងរំពងពីមុខឆាកតន្ត្រីដ៏ធំសម្បើមបានធ្វើឲ្យកម្មវិធីចុងក្រោយមួយនេះកាន់តែកក្រើកជាមួយនឹងក្បាច់រាំ និងទឹកដមសំនៀងពិរោះកន្ត្រាក់អារម្មណ៍ឲ្យអ្នកចូលទស្សាផ្ទាល់ឈរជើងមិនជាប់ដី។

តារាចម្រៀងប្រចាំផលិតកម្មហង្សមាសលោក ណុប ប៉ាយ៉ារិទ្ធ បានបញ្ជាក់ថា លោកពិតជារីករាយ និងមោទនភាពដែលព្រឹត្តិការប្រគំតន្ត្រីដ៏ធំអស្ចាចារ្យនេះកើតមានឡើង។ លោកបញ្ជាក់ថា ព្រឹត្តិការណ៍នេះបានធ្វើឲ្យតារាចម្រៀងទាំងអស់បានជួបដោយផ្ទាល់ជាមួយអ្នកគាំទ្ររបស់ពួកគាត់ហើយបានបញ្ចេញបទចម្រៀងថ្មីៗ និងបង្កើតបរិយាកាសសប្បាយរីករាយសម្រាប់មហាជនផងដែរ។ លោកបន្តថា មិនត្រឹមតែជាការជួបជាមួយអ្នកគាំទ្រផ្ទាល់ទេកម្មវិធី Party of The Year របស់ស្រាបៀរ Tuborgក៏បានផ្តល់ឱកាសដល់តារាចម្រៀងក្នុងនិងក្រៅស្រុកបានធ្វើការទំនាក់ទំនង និងផ្លាស់ប្តូរបទពិសោធន៍គ្នាទៅវិញទៅមក។ លោកបង្ហាញពីចំណាប់អារម្មណ៍ដែរថា កន្លងមកការប្រគំតន្ត្រីរបស់ស្រាបៀរ Tuborg នៅតាមបណ្តាខេត្តក្រុងនានាទទួលបានជោគជ័យខ្លាំង ពិសេសគឺបានបង្ហាញពីការគាំទ្ររបស់អតិថិជនចំពោះស្រាបៀរមួយនេះជាមួយនឹងការទទួលទានដោយមានទំនួលខុសត្រូវខ្ពស់ផងដែរ។ លោករំពឹងដែរថា ព្រឹត្តិការណ៍នេះនឹងកើតមានបន្តទៀតនៅឆ្នាំក្រោយទៀត។

កញ្ញា ទេព បូព្រឹក្ស វិញលើកឡើងថា Party of The Year របស់ស្រាបៀរ Tuborg គឺជាព្រឹត្តិការណ៍ដ៏អស្ចាចារ្យទាំងសម្រាប់តារាចម្រៀង និងអ្នកគាំទ្ររបស់ខ្លួន ព្រោះតែវាគឺជាឆាកតន្ត្រីដែលតារាចម្រៀងអាចបង្ហាញសមត្ថភាពទេពកោសល្យបង្ហាញដល់អ្នកគាំទ្រ។ កញ្ញាបន្តថា អ្នកចូលរួមអាចទទួលបាននូវអារម្មណ៍រីករាយជាមួយនឹងតារាចម្រៀង និងអាចទទួលយកនូវរសជាតិថ្មីរបស់ស្រាបៀរ Tuborgបានផងដែរ។ កញ្ញារំពឹងដែរថា ព្រឹត្តិការណ៍ប្រគំតន្ត្រីមួយនេះនឹងកើតមានម្តងទៀតនៅឆ្នាំក្រោយៗជាក់ជាមិនខាន៕

ដោយ៖ វឌ្ឍនា