ខេត្តបាត់ដំបង ៖ មានហេតុការណ៍បង្កឲ្យភ្ញាក់ផ្អើលកាលពីវេលាម៉ោង៨ព្រឹកថ្ងៃទី២០ ខែធ្នូ ឆ្នាំ២០១៦ នៅចំណុចក្រុមទី១៣ ស្ថិតក្នុងភូមិកណ្ដាល ឃុំស៊ុង ស្រុកសំឡូត ខេត្តបាត់ដំបង ដោយសារតែគេឭសូរសំឡេងផ្ទុះមីនតោន បណ្តាលឲ្យមនុស្សពីរនាក់រងរបួសធ្ងន់និងស្រាល ខណៈជនរងគ្រោះទាំងពីរនាក់ បើកម៉ាស៊ីនបោកស្រូវចូលក្នុងស្រែរបស់ខ្លួន ។ ចំណែកម៉ាស៊ីនបោកស្រូវត្រូវរងការខូចខាតទាំងស្រុង ។

សេចក្តីរាយការណ៍បានឲ្យដឹងថា ជនរងគ្រោះមានឈ្មោះ ភ្លាន វុធ ភេទប្រុស អាយុ២៨ឆ្នាំ មុខរបរធ្វើស្រែចម្ការ រងរបួសចំជើងខាងស្ដាំធ្ងន់ និងម្នាក់ទៀតឈ្មោះ សយ សុគា ភេទប្រុស អាយុ២៤ឆ្នាំ មុខរបរធ្វើស្រែចម្ការ រងរបួសចំមុខ និងចង្កេះស្រាល ។ អ្នកទាំងពីរនាក់រស់នៅភូមិកណ្តាល ឃុំស៊ុង ស្រុកសំឡូត ខេត្តបាត់ដំបង ។

បច្ចុប្បន្ន ជនរងគ្រោះទាំងពីរនាក់ត្រូវបានក្រុមគ្រួសារដឹកយកទៅសង្គ្រោះនៅមន្ទីរពេទ្យបង្អែកខេត្តបាត់ដំបង៕ ជាយក្រុង

ក្រុង