កីឡាករ Harry Kane និង Dele Alli រក បាន២គ្រាប់ម្នាក់ជួយឲ្យក្រុមមាន់ខ្នាយ មាសTottenham យកឈ្នះលើម្ចាស់ផ្ទះ Watfordដោយលទ្ធផល 4-1 នៅក្នុងក្រប ខ័ណ្ឌអង់គ្លេស Premier League ក្នុងថ្ងៃ ចូលឆ្នាំថ្មី ឆ្នាំសកលឆ្នាំ២០១៧ ។

ក្រុមTottenhamឈ្នះ៤ប្រកួតជាប់គ្នា រួមទាំងជ័យជម្នះលើក្រុមWatford ហើយ បានជួយក្រុមមាន់ខ្នាយមាសឡើងមកកាន់ តំណែងលេខ៤វិញលើក្រុម Manchester City ដោយមាន៣៩ពិន្ទុដូចគ្នា ។

លោក Pochettino គ្រូបង្វឹកក្រុមមាន់ ខ្នាយមាសបានប្រាប់ Sky Sportsថា “ខ្ញុំពិត ជាសប្បាយចិត្ត ណាស់ដែលកូនក្រុមរបស់ខ្ញុំអាចលេងបានល្អយកឈ្នះក្នុងការប្រកួតដ៏លំបាកនេះ” ។

ក្រុមTottenhamនឹងត្រូវប៉ះក្រុមកំពូលតារាងតោខៀវ Chelsea ក្នុងការប្រកួត បន្ទាប់ដោយពួកគេសង្ឃឹមថានឹងអាចបង្អាក់ កំណត់ត្រាឈ្នះ១៤ប្រកួតជាប់គ្នារបស់ក្លិបChelsea បាន ៕

ដោយ៖ ដេវីត