ខេត្តព្រះសីហនុ៖ កាលពីវេលាម៉ោង១និង៣០នាទីរំលងអធ្រាត្រថ្ងៃទី១៣ ខែមករា ឆ្នាំ២០១៧នេះ នៅចំណុចផ្សារចិន ក្រុមទី៣៣ ភូមិ១ សង្កាត់លេខ៤ ក្រុង-ខេត្តព្រះសីហនុ កម្លាំងអធិការដ្ឋាននគរបាលក្រុងព្រះសីហនុ បានធ្វេីការឃាត់មុខសញ្ញាដែលតែងតែដើរទាក់ឆ្កែពេលយប់។

ជនសង្ស័យដែលត្រូវឃាត់ខ្លួនមានឈ្មោះ ភិន ផល្លី (ហៅពីង) ភេទប្រុស អាយុ១៨ឆ្នាំ មុខរបរកម្មករសេរី ស្នាក់នៅបន្ទប់ជួល ម្តុំភូមិដូងក្រុមទី២៣ ភូមិ១ សង្កាត់លេខ៤ ខេត្តព្រះសីហនុ រីឯបក្ខពួកម្នាក់ទៀតឈ្មោះ គា ភេទប្រុស រត់គេចខ្លួនបាត់។

ក្រោយពេលឃាត់ខ្លួនសមត្ថកិច្ចដកហូតវត្ថុតាំងបាន ដាវ១ដើម និងម៉ូតូ១គ្រឿងម៉ាកAIR BlADE ពណ៌ស្លាទំុ-ខ្មៅ គ្មានស្លាកលេខ។ បច្ចុប្បន្នជនសង្ស័យខាងលើត្រូវសមត្ថកិច្ចកសាងសំណុំរឿងបញ្ជូនទៅខាងជំនាញ ដើម្បីចាត់ការតាមនីតិវិធី៕ ឆ្លាម សមុទ្រ