ភ្នំពេញ៖ បុរស៤នាក់បានទិញស្រាកន្លះលីតយកមកផឹករួមគ្នាពីយប់លុះ ព្រឹកឡើងប្រទះឃើញបុរសម្នាក់ដេកស្លាប់បង្កការភ្ញាក់ផ្អើលកាលពីវេលាម៉ោង៦ព្រឹកថ្ងៃទី១៧ ខែមករា ឆ្នាំ២០១៧ ស្ថិតក្នុងភូមិថ្មគោល៣ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះមានឈ្មោះបៃ ពិសដ្ឋ អាយុ២០ឆ្នាំ ស្នាក់នៅកន្លែងកើតហេតុខាងលើ និងមានស្រុកកំណើតនៅភូមិគល់ទទឹង ឃុំសន្ទ្រែ ស្រុកភ្នំក្រវ៉ាញ ខេត្តពោធិ៍សាត់។

ប្រភពព័ត៌មានពីក្រុមជាងដូចគ្នានៅកន្លែងកើតហេតុបានឱ្យដឹងថា នៅមុនពេលកើតកគឺកាលពីយប់ថ្ងៃទី១៦ខែមករាឆ្នាំ២០១៧ ខ្លួនមានគ្នា៤នាក់បានទិញស្រាថ្នាំយកមកផឹក បន្ទាប់ពីផឹករួចក៏នាំគ្នាចូលដេកលើប៉ុវអុីរាងៗខ្លួន លុះព្រឹកឡើងគេភ្ញាក់ចេញពីកន្លែងដេកអស់តែជនរងគ្រោះមិនបានភ្ញាក់នោះទេហើយក៏នាំគ្នាដើរទៅមើលក៏ឃើញជនរងគ្រោះដេកស្លាប់បាត់ទៅហើយមិនដឹងថាស្លាប់តាំងពីពេលណានោះទេ។

ក្រោយពីកើតហេតុសមត្ថកិច្ចជំនាញបានពិនិត្យឃើញថាបុរសខាងលើបានស្លាប់ដោយសាខ្យល់គរហើយក៏បានទាក់ទងទៅសាច់ញាតិជនរងគ្រោះដើម្បីដឹកសពទៅធ្វើបុណ្យតាមប្រពៃណី៕ សុខាសែនជ័យ