ភ្នំពេញ៖ បុរស២បានរងរបួសធ្ងន់ស្រាលខណៈពួកគេជិះម៉ូតូសេ១២៥មួយគ្រឿងក្នុងល្បឿនលឿនជ្រុលទៅបុកពុះចែកទ្រូងផ្លូវ(ឃឿនសួនច្បារ)បណ្តាលអោយដួលអូសជាង៣០ម៉ែត្ររងរបួសធ្ងន់ស្រាល២នាក់ ហេតុការនេះបានកើតឡើងកាលពី វេលាម៉ោង12និង14នាទីរំលងអធ្រាតឈានចូលថ្ងៃទី16ខែ08ឆ្នាំ2015 នៅតាមបណ្តោយផ្លូវអូឌឹម ភូមិជម្ពូវ័ន សង្កាត់ចោមចៅ ខណ្ឌពោធិសែនជ័យរាជធានីភ្នំពេញ  ។

តាមប្រភពឲ្យដឹងថាមុនពេលកើតហេតុគេឃើញបុរសពីរនាក់មិនស្គាល់អត្តសញ្ញាណជិះម៉ូតូមួយគ្រឿងម៉ាកសេ125សេរីឆ្នាំ2012ពណ៌ខ្មៅពាក់ស្លាកលេខភ្នំពេញ1BO-0484 ធ្វើដំណើតាមបណ្តោយផ្លូវអូឌឹម ក្នុងទិសដៅពីត្បូងទៅជើងក្នុងល្បឿនលឿនលុះមកដល់ចំណុចកើតហេតុស្រាប់តែរ៉េចង្កូត ទៅបុកនិងឃឿនពុះចែកទ្រូងផ្លូវបណ្តាលឲ្យដួលបោកទៅនិងថ្នល់រងរបួសធ្ងន់ស្រាល២នាក់ ។

ក្រោយកើតហេតុជនរងគ្រោះត្រូវបានរថយន្តសង្រ្គោះដឹកយទៅព្យាបាលនៅមន្ទីពេទ្យភ្លាមៗចំណែកម៉ូតូត្រូវបានសមត្ថកិច្ចយកទៅរក្សាទុកនៅទីស្នាក់ការនគរបាលប៉ុស្តិ៍ចោមចៅបណ្ណោះអាសន្ន៕

ដោយ៖ សុខា សែនជ័យ