ខ្សែប្រយុទ្ធជើងចាស់សញ្ជាតិស៊ុយអែត Zlatan Ibrahimovic បានថ្លែងថាពុំ ទាន់មានដំណឹងអ្វីទាក់ទងនឹងអនាគតរបស់ខ្លួននៅក្នុងក្រុម Manchester United នោះឡើយទេ ប៉ុន្តែគាត់បានអះអាងថាគាត់បានបំពេញគ្រប់តម្រូវការដែលអាចបន្ត កុងត្រាថ្មីទៀតបាន ។

កីឡាករវ័យ៣៥ឆ្នាំZlatan Ibrahimovicបានចុះកុងត្រាមកលេងឲ្យក្រុមបិសាច ក្រហម រយៈពេល១ឆ្នាំ ហើយរកបាន២០គ្រាប់ហើយក្នុងរដូវកាលនេះ ខណៈដែល លោក Mourinho អ្នកចាត់ការទូទៅក្លិប បានបង្ហាញពីជំនឿចិត្តថា Zlatan Ibrahimovic នឹងបន្ត លេងឲ្យ Man United ទៀតនៅក្នុងរដូវកាល ឆ្នាំ២០១៧-២០១៨។

នៅពេលដែលមានសំណួរពីអនាគត របស់គាត់ Ibrahimovic បានឆ្លើយថា “រង់ចាំមើលសិន”។ គាត់ក៏បានបង្ហាញពី ជំនឿចិត្តខ្លួនថាគាត់អាចជួយក្លិបបិសាច ក្រហមឈ្នះពានរង្វាន់៣ក្នុងរដូវកាលនេះ។

Man Utd បានលើកពាន FA Community Shield ១រួចហើយកាលដើមរដូវកាល នេះ ហើយបច្ចុប្បន្នពួកគេកំពុងប្រកួត ប្រជែងដណ្តើមពានរង្វាន់៤ទៀតគឺ Premier League, FA Cup, UEFA Europa League និង EFL Cup ដែលទើបកក់កៅអីឡើងវគ្គផ្ដាច់ព្រ័ត្រថ្មីៗកន្លងទៅ ។

Ibrahimovic បាននិយាយថា “ក្នុង ចំណោមពានទាំង៥រដូវកាលនេះយើង បានឈ្នះ១ហើយ និងនៅសល់៤ទៀត ហើយយើងកំពុងលេង Europa League, FA Cup ដូច្នេះបើយើងមិនឈ្នះពាន Premier League ក៏យ៉ាងហោចណាស់យើងអាចព្យា យាមដើម្បីលើកពានឲ្យបាន២ឬ៣ដែរ”៕ ដេវីត