ភ្នំពេញ៖ កម្លាំងនគរបាលប៉ុស្តិ៍ចោមចៅសហការជាមួយប៉ុស្តិ៍កាកាបនិងកម្លាំងព្រហ្មទណ្ឌខណ្ឌបានធ្វើការស្រាវជ្រាវរហូតឈានទៅឃាត់ខ្លួនជនសង្ស័យ៤នាក់បន្ទាប់ពីបានទទួលពាក្យបណ្តឹងពីស្ត្រីម្នាក់ថា មានចោរចូលលួចលុយរបស់គាត់នៅក្នុងរថយន្ដអស់ចំនួន៥ពាន់ដូល្លារហើយគេចខ្លួនបាត់។

ករណីឃាត់ខ្លួននេះបានកើតឡើងនៅវេលាម៉ោង១២និង២០នាទីថ្ងៃត្រង់ថ្ងៃទី១៦ ខែកុម្ភៈ ឆ្នាំ២០១៧ នៅផ្សារត្រពាំងល្វា សង្កាត់កាកាប ខណ្ឌពោធិ៍សែនជ័យ ហើយបានស្រាវជ្រាវតាមចាប់ជនសង្ស័យនៅភូមិថ្មគោល សង្កាត់ចោមចៅ ខណ្ឌពោធិ៍សែនជ័យ។

ជនសង្ស័យទី១ឈ្មោះនៀងភក្តី ភេទប្រុស អាយុ២៥ ឆ្នាំ មុខរបរមិនពិតប្រាកដ ស្នាក់ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ។
ទី២ឈ្មោះថាច់ មុន្នីរតនា ភេទប្រុស អាយុ១៩ឆ្នាំ មុខរបមិនពិតប្រាក ស្នាក់នៅភូមិព្រៃជៅសាក់ សង្កាត់ចោមចៅ ខណ្ឌពោធិ៍សែនជ័យ ទី៣ឈ្មោះឡាយ សុភា ភេទប្រុស អាយុ៣៧ឆ្នាំ មុខរបរជាងភ្លើង ស្នាក់នៅភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ និងទី៤ឈ្មោះជា តុលា ភេទប្រុស អាយុ២៩ ឆ្នាំ មុខរបកម្មករសំណង់ ស្នាក់នៅភូមិថ្មគោល សង្កាត់ចោមចៅ ខណ្ឌពោធិ៍សែនជ័យ។

តាមសាក្សីបានឲ្យដឹងថា នៅមុនពេលកើតហេតុមានស្ត្រីម្នាក់ជិះរថយន្តម៉ាកឡង់គ្រីស័រ ១គ្រឿងបានមកឈប់ទិញអីវ៉ាន់នៅផ្សារត្រពាំងល្វា ហើយបានចុះពីរថយន្តដោយទុកកាបូបលុយនៅក្នុងរថយន្ត ក្នុងកាបូបនោះមានលុយនិងគ្រឿងអលង្ការចំនួន៥ពាន់ដូល្លារ ក្រោយមកស្រាប់តែមានជនសង្ស័យមានគ្នា២នាក់ជិះម៉ូតូមិនចាំម៉ាក១គ្រឿងមកឈប់ក្បែរថយន្តហើយបើកទ្វារយកកាបូបលុយជិះម៉ូតូគេចខ្លួន។ ភ្លាមនោះស្រាប់តែមានយុវជនម្នាក់ជិះម៉ូតូដេញតាមមើលជនសង្ស័យតាំងពីចំណុចកើតហេតុរហូតមកដល់ទីតាំងជនសង្ស័យស្នាក់នៅភូមិថ្មគោល សង្កាត់ចមចៅ ទើបត្រឡប់ទៅវិញប្រាប់ម្ចាស់កាបូបនិងរាយការណ៍ទៅសមត្ថកិច្ចដើម្បីជួយអន្តរាគមន៍។

សមត្ថកិច្ចបានឲ្យដឹងថា បន្ទាប់ពីទទួលពាក្យបណ្តឹងពីស្ត្រីរងគ្រោះកម្លាំងក៏បានចុះទៅដល់ចំណុចកើតហេតុធ្វើការឆែកឆេរបន្ទប់ជួលឃាត់ខ្លួនឈ្មោះនា ងភ័ក្តី រួចក៏បន្តទៅតាមរកជនសង្ស័យផ្សេងទៀតនៅចំណុចទីតាំងហ្គេមបាញ់ត្រីមួយកន្លែងដែលនៅជិតនិងជញ្ជីងថ្លឹងឡានចាស់ផ្លូវវេងស្រេង ឃាត់ខ្លួនជនសង្ស័យ៣នាក់ទៀត និងដកហូតម៉ូតូ១គ្រឿងម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខភ្នំពេញ2GC-6636 ។

សមត្ថកិច្ចបានបញ្ជាក់ថា ជនសង្ស័យទាំង៤នាក់ខាងលើមិនមែនជានាក់លួចលុុយស្ត្រីរងគ្រោះនោះទេការឃាត់នៅដោយសារតែមានសម្ភារប្រើប្រាស់គ្រឿងញៀនតែប៉ុណ្ណោះ។ ដោយឡែកជនសង្ស័យដែលបើកទ្វារថយន្តលួចកាបូបលុយស្ត្រីរងគ្រោះនោះបានដឹងខ្លួនគេចខ្លួនបាត់អស់។

ក្រោយពេលកើតហេតុជនសង្ស័យទាំង៤នាក់ត្រូវបានសមត្ថកិច្ចយកទៅធ្វើការសាកសួរនៅអធិការនគរបាលខណ្ឌពោធិ៍សែនជ័យសាកសួរបន្ត៕ សុខាសែនជ័យ