អ្នកគាំទ្របាល់ទាត់រាប់រយនាក់របស់ ក្លិបកាំភ្លើងធំArsenalបានរៀបចំគម្រោងធ្វើបាតុកម្មដើម្បីទាមទារឲ្យលោកគ្រូបង្វឹកសញ្ជាតិបារាំង Arsene Wenger ចាកចេញ ពីតំណែង។

បើតាមផែនការខាងលើក្រុមអ្នកគាំទ្រនឹងធ្វើការតវ៉ារបស់ពួកគេនៅមុនការប្រកួត ក្នុងទឹកដីរវាងម្ចាស់ផ្ទះនឹងBayern Munich នៅជើងទី២កម្មវិធីChampions League។ ពួកគេនឹងដើរជាក្បួនពីតំបន់ Highbury ទៅកាន់កីឡដ្ឋាន Emirates ទឹកដីរបស់ ក្លិបកាំភ្លើងធំ ។

ក្រុមអ្នកគាំទ្រទាំងនោះបានធ្វើការទាមទារឲ្យគ្រូបង្វឹកវ័យ៦៧ឆ្នាំលោក Arsene Wenger ចេញពីតំណែងម្តងហើយកាលពីខែមេសាឆ្នាំមុន ហើយក្នុងរដូវកាលថ្មីនេះក្រុមកាំភ្លើងធំពុំអាចប្រជែងយកជើងឯក អង់គ្លេស Premier League បានទេ ហើយ នឹងធ្លាក់ចេញពីChampions League ដោយ សារតែចាញ់ Bayern Munich រហូតដល់ ទៅ 5-1 កាលពីជើងទីមួយ។ ហេតុដូចនេះហើយទើបធ្វើឲ្យអ្នកគាំទ្រកាន់តែខឹងសម្បា នឹងលោក ហើយទាមទារឲ្យលោកលាលែង ចេញពីតំណែងកាន់តែឆាប់កាន់តែល្អ ៕ ដេវីត