ភ្នំពេញ៖ អតីតអ្នកថតភាពយន្តល្បីឈ្មោះក្នុងទសវត្សរិ៍ទី៩០លោក ម៉ង់ កាណែត ត្រូវបានក្រុមគ្រួសារបញ្ជូនទៅសង្គ្រោះបន្ទាន់បន្ទាប់ពីលោកមានជំងឺថ្លើមដំណាក់កាលធ្ងន់ធ្ងរ។ ស្ថានភាពជំងឺរបស់លោក បានធ្លាក់ខ្លួនដុនដាបសឹងតែមិនគួរឲ្យជឿគឺទើបតែរយៈពេលជិត២ខែប៉ុណ្ណោះ ហើយពេលនេះលោកកំពុងតែជួបនូវវិបត្តិថវិកាខ្លាំងក្នុងការព្យាបាល។
ស្ថិតក្នុងអាយុ៥២ឆ្នាំលោក ម៉ុង កាណែត បានធ្លាក់ខ្លួនឈឺធ្ងន់ជំងឺក្រិនថ្លើមប្រភេនC និងមានកូនកណ្តុរចំនួន៣គ្រាប់នៅក្នុងពោះវៀនដេកដាបលើកន្ទេលងើបស្ទើរសឹងមិនរួចឡើយ។ ស្ថានភាពជំងឺរបស់លោក ម៉ុង កាណែត បានធ្លាក់ខ្លួនដុនដាបសឹងតែមិនគួរឲ្យជឿគឺទើបតែរយៈពេលជិត២ ខែប៉ុណ្ណោះហើយពេលនេះលោកកំពុងតែជួបនូវវិបត្តិថវិកាខ្លាំងក្នុងការព្យាបាលជំងឺទៀតផង។ នេះបើតាមការបញ្ជាក់របស់ លោក ម៉ុង កាណែត ថា លោកបានធ្លាក់ខ្លួនឈឺជំងឺក្រិនថ្លើមប្រភេនCធ្ងន់ធ្ងរគឺមានរយៈពេលប្រមាណ២ខែកន្លងមកហើយ។ខណៈការចូលសម្រាកព្យាបាលនៅមន្ទីរពេទ្យមិត្តភាពខ្មែរ-សូរវៀត ក៏មានរយៈពេល២ដងរួចមកហើយដែរ ដោយលើកទីមួយគឺលោកបានចូលមកសង្គ្រោះត្រឹមតែរយៈពេល១សប្តាហ៍ប៉ុណ្ណោះត្រូវបានក្រុមគ្រូពេទ្យឲ្យត្រឡប់ទៅផ្ទះវិញ។ ចំណែកលើកទីពីរនេះគឺមានរយៈពេលជិត២សប្តាហ៍មកហើយ។
ដោយមើលឃើញពីក្តីអាណិតអាសូរនិងដើម្បីជួយសម្រួលដល់ការលំបាករបស់ក្រុមគ្រួសារអតីតអ្នកថតភាពយន្ត(Camara man)ល្បីឈ្មោះក្នុងទស្សវត្សឆ្នាំ៩០ដែលតារាភាពយន្តជាច្រើនល្បីនៅជំនាន់នោះធ្លាប់បានស្គាល់គឺលោក ម៉ុង កាណែត នោះនារសៀលថ្ងៃទី០៨ ខែមីនា ឆ្នាំ២០១៧ ចំឱកាសថ្ងៃទិវាសិទ្ធិនារីអន្តជាតិសមាជិកក្រុមយុវជនLKF Family( ស្រលាញ់គ្រួសារខ្មែរ) បាននាំយកថវិកាសប្បុរសជនរួមជាមួយថវិកាដែលប្រមូលបានពីក្រុមរបស់ខ្លួនឧបត្ថម្ភជួយដល់លោក ម៉ុង កាណែត ផងដែរ។ ចំពោះថវិកាដែលត្រូវប្រមូលបានពីសប្បុរសជនដើម្បីយកទៅឧបត្ថម្ភជួយដល់លោក ម៉ុង កាណែត តាមរយៈក្រុមយុវជនLKF Familyនេះគឺមានចំនួន៥៩៥ ដុល្លារនិង៩០ ០០០រៀលដែលការប្រគល់ជូនខាងលើនេះបានធ្វើឡើងនៅបន្ទប់សម្រាកព្យាបាលជំងឺលេខ១១៤នៃមន្ទីរពេទ្យមិត្តភាពខ្មែរ-សូរវៀត (ពេទ្យរុស្ស៊ី)។
លោក ម៉ុង កាណែត ក៏បានថ្លែងអំណរគុណចំពោះសប្បុរជនក៏ដូចជាក្រុមយុវជនLKF ដែលមានក្តីមេត្តាធម៌ឧបត្ថម្ភថវិកាដើម្បីជួយសម្រួលដល់ការលំបាកនិងថ្លៃព្យាបាលជំងឺរបស់លោក មិនតែប៉ុណ្ណោះលោក ម៉ុង កាណែត ក៏អរគុណផងដែរចំពោះក្រុមគ្រូពេទ្យនៃមន្ទីរពេទ្យរុស្ស៊ីដែលមានការយកចិត្តទុក្ខដាក់ក្នុងការមើលថែជំងឺមិនថាតែរូមលោកម្នាក់នោះទេពោលគឺទាំងអ្នកជំងឺផ្សេងៗទៀតផងដែរ៕ វឌ្ឍនា
