ភ្នំពេញ៖ នៅព្រឹកថ្ងៃទី២២ ខែសីហា ឆ្នាំ២០១៥ លោកបណ្ឌិតហ៊ុនម៉ាណែត តំណាងដ៏ខ្ពង់ខ្ពស់ របស់សម្តេចអគ្គមហាសេនាបតីតេជោហ៊ុនសែន និងលោកជំទាវកិតិ្តព្រឹទ្ធបណ្ឌិតបានអញ្ញើញជា អធិបតីក្នុងពិធីបញ្ចុះបឋមសិលា ជួសជុលនិងកសាងខឿនវត្តព្រះបារមីវង្កដ្ឋបុរីកបិលភស្ត ឋិតនៅ សង្កាត់ទឹកថ្លា ខណ្ឌសែនសុខរាជធានីភ្នំពេញ ។
នៅលក្នុងពិធីបញ្ចុះបឋមសិលានេះដែរ មានការអញ្ជើញចូលរួមពីលោកឃួង ស្រេង អភិបាលរង នៃគណៈអភិបាលសាលារាជធានីភ្នំពេញ លោកលី សាវេត អភិបាលនៃគណៈអភិបាលខណ្ឌសែន សុខ ព្រមទាំងបុគ្គលិក មន្រ្តីរាជការ លោកគ្រូអ្នកគ្រូ ព្រះសង្ឃ គណៈកម្មការអាចារ្យវត្ត ពុទ្ធបរិស័ទ រួមជាមួយអាជ្ញាធរមូលដ្ឋាន ។
លោកលី សាវេត អភិបាលនៃគណៈ អភិបាលខណ្ឌបានថ្លែងឲ្យដឹងថា ខណ្ឌសែនសុខ ជាខណ្ឌមួយក្នុងចំណោមខណ្ឌទាំង១២នៃរាជធានីភ្នំពេញ មានសង្កាត់ចំនួន៤ និង៤០ភូមិ ផ្ទែដី៥០២០ហិកតា ប្រជាពលរដ្ឋសរុបចំនួន២៩៣៤០គ្រួសារ ស្មើនឹង១៤១.៦៦៧នាក់ ស្រ្តីចំនួន ៧៥.៥៤២នាក់ ។ មានមន្ត្រីរាជការសរុប៧០រូប សមាជិកក្រុមប្រឹក្សាខណ្ឌ១៩រូប ស្រី៤រូប និងមាន សមាជិកក្រុមប្រឹក្សាសង្កាត់៣៨នាក់ ស្រី៧នាក់ ។
លោកបន្តថា បច្ចុប្បន្នទូទាំងខណ្ឌបាននិងជំរុញ ការអភិវឌ្ឍន៍យ៉ាងសកម្មទៅលើហេដ្ឋារចនាសម្ព័ន្ធនានា ដូចជាកសាងប្រព័ន្ធលូ លូបង្ហូរទឹក ប្រឡាយ បណ្តាញអគ្គិសនី ទឹកស្អាត។ល។ និងជាពិសេសរដ្ឋបាលខណ្ឌបានផ្តោតសំខាន់ទៅលើ ការតបណ្តាញទឹកស្អាត និងអគ្គិសនីជូនកម្មករ ចូលតាមបន្ទប់ស្របតាមគោល នយោបាយរបស់ ប្រមុខរាជរដ្ឋាភិបាល ៕
