គ្រូបង្វឹកក្លិបបិសាចក្រហមលោក Jose Mourinho ដែលធ្លាប់ធ្វើការជាមួយគ្នាយ៉ាង ជិតស្និទ្ធជាមួយនឹងខ្សែបម្រើប្រយុទ្ធ Mesut Ozil កាលពីនៅក្លិប Real Madrid នោះ ទំនងជានឹងអាចជួបគ្នាសាជាថ្មីបន្ទាប់ពីទីផ្សារដោះដូរកីឡាកររដូវក្តៅចាប់ផ្តើមបើក។ ការចាប់អារម្មណ៍របស់គ្រូបង្វឹករូបនេះគឺចង់ប្រជែងយកកីឡាករសញ្ជាតិ អាល្លឺម៉ង់រូបនេះមកចូលរួមក្នុងក្លិបបិសាចក្រហមសម្រាប់រដូវកាលក្រោយ ។

ខ្សែបម្រើប្រយុទ្ធសញ្ជាតិអាល្លឹម៉ង់រូបនេះ ធ្លាប់លេងក្រោមការបង្វឹកក្លិបរបស់លោក Mourinho ពេលដែលគេនៅលេង ជាមួយក្លិបយក្សអេស្ប៉ាញ Real Madrid នឹងត្រូវបញ្ចប់កុងត្រាចាស់ជាមួយកាំភ្លើងធំក្នុងរយៈពេលដែលនៅសល់១ឆ្នាំទៀត ប៉ុណ្ណោះ ។

ប្រភពព័ត៌មានពីគេហទំព័រ The Mirror បានផ្សាយថា គ្រូបង្វឹកបិសាចក្រហមរូបនេះនឹងទាញយកឱកាសពេលនេះក្នុងការទាក់ទងផ្លាស់យក Ozil មកកាន់ទឹកដី Old Trafford នារដូវក្តៅខាងមុខក្នុងតម្លៃប៉ាន់ស្មានមួយប្រហែល៤២,៥ លានផោន ។ ប៉ុន្តែទោះជាយ៉ាងណាក្លិបកាំភ្លើងនៅមិនទាន់បង្ហាញពីឱកាសក្នុងការបន្តឬបញ្ចប់ កុងត្រារបស់កីឡាកររូបនេះនៅឡើយ ទេ ៕ ដេវីត