ខេត្តកណ្តាល ៖ ថ្ងៃទី១១ ខែមេសា ឆ្នាំ២០១៧ នៅ បញ្ជាការដ្ឋានកងរាជអាវុធហត្ថខេត្តកណ្តាលបាន រៀបចំពីធីសូត្រមន្ត ស្រោចទឹកលើករាសី នាឱកាស បុណ្យចូលឆ្នាំថ្មី ឆ្នាំរការ នព្វស័ក ព.ស ២៥៦១ គ.ស២០១៧ ដើម្បីសុំសេចក្តីសុខចម្រើន សិរីសួស្តីជ័យមង្គលកើតមានដល់ថ្នាក់ដឹកនាំ និងមន្រ្តីកងកម្លាំងកងរាជអាវុធហត្ថ ខេត្តកណ្តាល ។

ពិធីនេះប្រារព្ធឡើងក្រោមការដឹកនាំផ្ទាល់ពីសំណាក់លោកឧត្តមសេនីយ៍ត្រីសំ តុលា មេបញ្ជាការនៃ បញ្ជាការដ្ឋានកងរាជអាវុធហត្ថខេត្តកណ្តាល មេបញ្ជាការរង នាយ នាយរង ព្រមទាំងមន្រ្តីក្រោមឱវាទ ដោយបាននិមន្តព្រះសង្ឃចំនួនជាច្រើនអង្គ ដើម្បីសូត្រមន្ត ចម្រើនព្រះបរិត្ត ព្រះរតនត្រ័យ រាប់បាត ស្រោចទឹកនិងប្រោះព្រហ្ម តាមកិច្ចសាសនា ដើម្បីសុំសេចក្តីសុខ និងបណ្តេញនូវឧបទ្រពចង្រៃអោយជៀសផុតពីគ្រោះភ័យ នាឱកាសបុណ្យចូលឆ្នាំថ្មីខិតជិតមកដល់ ៕