ខេត្តសៀមរាប៖ ក្រុមក្មេងទំនើងប្រុស.ស្រីចំនួន១៨នាក់ និងម៉ូតូ៩គ្រឿង ត្រូវបានកម្លាំងនគរបាលចម្រុះចុះបង្ក្រាបទាំងងកណ្តាលរាត្រី ខណៈដែលពួកគេបានបង្ហោះម៉ូតូនិងជាន់ហ្វាំងអូសលើផ្លូវជាតិ បែកផ្កាភ្លើង ជារៀងរាល់យប់ ។
ហេតុកាតណ៍នេះធ្វើឡើងនៅវេលាម៉ោង១២ និង៥០នាទីយប់ ឈានចូលថ្ងៃ២៥ ខែកញ្ញា ត្រង់ចំណុចមុខវត្តកេសារារាម ហៅវត្ដធម្មយុទ្ធិ ក្នុងភូមិសាលាកន្សែង សង្កាត់ស្វាយដង្គុំ ក្រុងសៀមរាប ។
លោកវរៈសេនីយ៍ត្រី ប្រាក់ ស៊ីថា នាយរងការិយាល័យ អន្តរាគមន៍នៃស្នងកាដ្ឋានខេត្តសៀមរាប បានឲ្យដឹងថា ក្រុមក្មែងទំនើងទាំងនេះ ពួកគេតែងតែមកនាំគ្នាបង្ហោះម៉ូតូ និងជាន់ហ្វាំងអូសលើផ្លូវ ជារៀងរាល់យប់ បណ្ដាលឲ្យពួកគាត់គេងមិនបាន ទើបធ្វើឲ្យបងប្អូនប្រជាពលរដ្ឋរាយការណ៍មកសមត្ថកិច្ចឲ្យជួយអន្តរាគមន៍តែម្ដង ។
លោកបានបន្តថា ហេតុការណ៍ចុះបង្ក្រាបនេះគឺ មានកម្លាំងចម្រុះដូចជា ប៉ូលិសអន្តរាគមន៍ខេត្ត អន្តរាគមន៍ក្រុង និងប៉ូលិសព្រហ្មទ័ណ្ឌ បានចុះទៅបង្ក្រាបក្រុមក្មេងទំនើងប្រុស ស្រី ចំនួន១៨ និងដកហូតយកម៉ូតូចំនួន៩គ្រឿង ខណះពេលដែលពួកគេកំពុងតែបង្ហោះម៉ូតូនិងស្រែកឡូឡា បង្កការភ្ញាក់ផ្អើលដល់ពលរដ្ឋ ។
លោកបានបន្ថែមថា នៅក្នុងច្បាប់ស្តីពីភូមិឃុំមានសុវត្ថិភាព បានបង្ហាញយ៉ាងច្បាស់ថា ក្រុមក្មេងដែលមានគ្នា ច្រើនជាង២នាក់ ដើរលេងយប់ ខាងសមត្ថកិច្ចត្រូវហៅសួរនាំឬយកមកអប់រំនៅកន្លែងប៉ូលិសសិន។
លោកបានបន្ថែមទៀតថាបន្ទាប់ចាប់បានភ្លាមៗកម្លាំងសមត្ថកិច្ចបាននាំខ្លួនក្រុមក្មេងទំនើងទាំងនោះយ កទៅអប់រំនៅអធិការនគរបាលក្រុង ដើម្បីឲ្យរាងចាល និងយល់ដីពីសណ្ដាប់ធ្នាប់ល្អក្នុងសង្គម។
គួរកត់សម្គាល់ដែរថា ការចុះបង្ក្រាបលើកនេះគឺទទួលបានផ្លែផ្កា សម្រាប់អង្គភាពនគរបាលខេត្តសៀមរាប ក្រោមការដឹកនាំដោយលោក ឧត្តមសេនីយទោ សត ណាឌី។ប្រជាពលរដ្ឋនិងសង្ឃឹមថា សមត្ថកិច្ចនិងការពារសន្ដិសុខជូនពលរដ្អោយស្របតាមភូមិឃុំមានសុវត្ថិភាព ៕
ដោយ៖ ជានិរន្ដ៍
