ខេត្ដស្វាយរៀង៖ មានរឿងអសីលធម៌ដ៏អាក្រក់មិនគួរអត់ឱនឱ្យបានដោយគ្រូ រោគចិត្ដម្នាក់ដាក់ទណ្ឌកម្មសិស្សស្រីម្នាក់អាយុ១១ឆ្នាំឱ្យឡើងឈរលើតុក្នុងថ្នាក់រៀន ហើយឱ្យលើកដៃឡើងលើបែរមុខរកមិត្ដភក្ដិរួចប្រើឱ្យសិស្សប្រុស សម្រាតសំពត់និងខោក្នុងរបូតដល់កែង ជើងនិងបញ្ជាសិស្សឱ្យមើលសើចលេងយ៉ាងសប្បាយ ។
ករណីនេះគ្មានស្ថាប័ន ណាដោះស្រាយរកយុត្ដិធម៌ឱ្យសិស្សស្រី នោះទើបលោកយាយវ័យ៦៤ឆ្នាំនិងចៅ រងគ្រោះអំពាវនាវឱ្យសម្ដេចកិត្ដិព្រឹទ្ធ បណ្ឌិត ប៊ុន រ៉ានី ហ៊ុន សែន ជួយរកយុត្ដិ ធម៌ ។
លោកយាយនិងចៅអំពាវនាវរកយុត្ដិធម៌នេះបានធ្វើឡើងកាលពីរវេលាម៉ោង១០ព្រឹកថ្ងៃទី៣០ ខែកញ្ញា ឆ្នាំ២០១៥ នៅភូមិទួលចំបក់ ឃុំសង្កែ ស្រុករំដួល ខេត្ដស្វាយរៀង ។ លោកយាយឈ្មោះ រត្ន័ សារ៉ន បានប្រាប់ឱ្យដឹងថា ចៅរបស់គាត់ ដែលត្រូវគ្រូដាក់ទារុណកម្មនេះឈ្មោះ ណាន ស៊ីវម៉ី អាយុ១១ឆ្នាំ រស់នៅក្នុង ភូមិកើតហេតុខាលើត្រូវគ្រូប្រចាំថ្នាក់ ធ្វើទារុណកម្មដោយអសីលធម៌ហើយឱ្យ ចៅស្រីរបស់គាត់ឈរនៅលើតុបែរមុខ ទៅរកសិស្សរួមថ្នាក់រួចបញ្ជាឱ្យលើកដៃឡើងលើហើយប្រើឱ្យសិស្សប្រុសម្នាក់សម្រាតសំពត់និងខោក្នុងរបូតដល់កែង ជើងអាក្រាតកាយយ៉ាងអាម៉ាស់នៅមុខសិស្សរួមថ្នាក់ ។
លោកយាយបានបន្ដទៀតថា ករណីដ៏ អាម៉ាស់នេះកើតឡើងកាលពីថ្ងៃទី១៨ ខែឧសភា ឆ្នាំ២០១៥ វេលាម៉ោង៩និង ១០នាទីព្រឹកនៅសាលាបឋមសិក្សាហ៊ុនសែនវត្ដថ្មីស្ថិតនៅភូមិតាបោងឃុំសង្កែ ស្រុករំដួលដោយប្រព្រឹត្ដឡើងពីលោក គ្រូសង្ស័យកើតរោគចិត្ដឈ្មោះ ដួង ស៊ីណាត ភេទប្រុស អាយុ៤៣ឆ្នាំ ជាគ្រូ បង្រៀនថ្នាក់ទី២សាលាបឋមសិក្សា ហ៊ុន សែន វត្ដថ្មី ។
លោកយាយបញ្ជាក់ថា មូលហេតុ ដែលលោកគ្រូធ្វើទារុណកម្មនេះព្រោះតែអានអក្សរលើក្ដារខៀនមិនរួច(មិនចេះ អានអក្សរ)ទើបលោកគ្រូអសីលធម៌នេះដាក់ទណ្ឌកម្មហៅឱ្យចៅគាត់ទៅឈរលើតុបែរមុខមករកសិស្សរួមថ្នាក់ប្រមាណ ៣០នាក់រួចឱ្យលើដៃឡើងលើនិងឱ្យសិស្សឈ្មោះ លាភ ភេទប្រុស ស្រាតសំពត់និង ខោក្នុងរបូតដល់កែងជើងបណ្ដាលឱ្យ សិស្សក្នុងថ្នាក់ស្រែកហ៊ោរពេញថ្នាក់រៀន ធ្វើឱ្យចៅស្រីរបស់គាត់ខ្មាសគេស្រែកយំរត់ចេញពីសាលា។ក្រោយមកចៅគាត់ បានគេចសាលាលែងហ៊ានចូលរៀន ហើយរូបគាត់ក៏ចេះតែអង្វចៅឱ្យទៅ រៀនតែនាងមិនទៅ។ លុះក្រោយមកទើប ដឹងថា មូលហេតុដែលចៅមិនចូល សាលាគឺមកពីគ្រូទទួលបន្ទុកថ្នាក់ដាក់ ទណ្ឌកម្មសម្រាតសំពត់នាងឱ្យអាក្រាត កាយនៅមុខសិស្សក្នុងថ្នាក់សោះទើបរូបគាត់បានទៅប្ដឹងលោកនាយកសាលាតែលោកនាយកសាលាមិនបានចាត់ការ រឿងនេះទេ ។
លោកយាយបានបញ្ជាក់ថា បើតាម ចៅរបស់គាត់បានប្រាប់ថាលោកគ្រូ ប្រចាំថ្នាក់ឈ្មោះ ដួង ស៊ីណេត នេះបាន ដាក់ទណ្ឌកម្មសម្រាតសំពត់នាងចំនួន ៣លើកមកហើយៗអ្វីដែលធ្វើឱ្យឈឺចាប់ជាខ្លាំងនោះដោយសារតែរូបគាត់បាន ទៅដាក់ពាក្យបណ្ដឹងចំពោះរឿងនេះនៅ លោកមេភូមិ មេឃុំរហូតដល់តុលាការ មានរយៈពេល៥ខែមកហើយក៏ប៉ុន្ដែពុំ មានអ្នកណាមួយរកយុត្ដិធម៌ជូនចំពោះ ចៅស្រីរបស់គាត់នោះឡើយ ព្រោះការ ដែលចៅស្រីរបស់គាត់ខកខានមិនចូល រៀនហើយកើតជាអវិជ្ជាមកដល់ពេល នេះក៏ព្រោះតែការដាក់ពិន័យរបស់គ្រូ ប្រចាំថ្នាក់នេះដែរ ។
លោកយាយ រ័ត្ន សារ៉ន បានបញ្ជាក់ ថា ដោយសារតែអស់ជម្រើសដូច្នេះ មានតែអំពាវនាវដល់សម្ដេចកិត្ដិព្រឹទ្ធ បណ្ឌិត ប៊ុន រ៉ានី ហ៊ុន សែន មួយប៉ុណ្ណោះ ដែលអាចជួយរកយុត្ដិធម៌ចៅស្រីរបស់គាត់បាន ។
ទាក់ទិនករណីនេះលោក ពៅ សាមឿន នាយកសាលាបឋមសិក្សា ហ៊ុន សែន វត្ដថ្មីមានប្រសាសន៍តាមទូរស័ព្ទថា គ្រូ ឈ្មោះ ដួង ស៊ីណេត នេះពិតជាបានធ្វើ ទារុណកម្មសិស្សដោយសម្រាតសំពត់ សិស្សស្រីប្រាកដមែនហើយកុមារីរង គ្រោះត្រូវគ្រូឈ្មោះ ដួង ស៊ីណេត ដាក់ ទណ្ឌកម្ម៣លើកមកហើយនិងបានដាក់ ទណ្ឌកម្មដល់សិស្សប្រុសៗពីបីនាក់ផង ដែរ ។ ក៏ប៉ុន្ដែកន្លងមករូបលោកមិនបាន ដឹងទេទើបតែលោកយាយកុមារីរងគ្រោះមកប្ដឹងទើបបែកធ្លាយរឿង ហើយលោក ក៏បានរាយការណ៍ជូនមន្ទីរអប់រំយុវជន និងកីឡាខេត្ដរួចហើយដែរ ។ ចំណែក មាតាបិតាសិស្សវិញបានសំណូមពរដល់ក្រសួងអប់រំ យុវជន និងកីឡាឱ្យបញ្ឈប់ ឬដកគ្រូឈ្មោះ ដួង ស៊ីណេត នេះចេញ ឈប់ឱ្យធ្វើជាគ្រូព្រោះពួកគាត់មិនអាច ទទួលយកគ្រូអសីលធម៌បែបនេះឱ្យធ្វើជាគ្រូបង្រៀនកូនៗពួកគាត់បានទៀតទេ ។
លោកគ្រូប្រចាំថ្នាក់ឈ្មោះ ដួង ស៊ី ណេត អ្នកយកព័ត៌មាននគរវត្ដមិនអាច ទាក់ទងបំភ្លឺជុំវិញករណីការចោទប្រកាន់ធ្វើទារុណកម្មនិងចាប់សិស្សស្រីសម្រាតសំពត់នេះបានទេនៅថ្ងៃទី៣០ ខែកញ្ញា ឆ្នាំ២០១៥ ៕
ដោយ៖ យឹម សុថាន
