ខេត្តកំពង់ឆ្នាំង៖ សពបុរសម្នាក់បានអណ្តែតឡើងលើផ្ទៃទឹកបន្ទាប់ពីលង់ទឹកបាត់អស់មួយប់ ក្នុងពេលដែលចុះដកយុថ្កា ដែលហេតុការណ៍ភ្ញាក់ផ្អើលនេះបានកើតឡើង ។
កាលពីវេលាម៉ោ១២ថ្ងត្រង់ ថ្ងៃទី៦ ខែតុលា ឆ្នាំ២០១៥ នៅចំណុចខាងជើងស្ថានីយបូមទឹកក្រុមហ៊ុនអានកូ ដែលស្ថិតនៅចុងភូមិ ក្នុងភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ។
សមត្ថកិច្ច អោយដឹងថា ជនរងគ្រោះក្នុងករណីខាងលើនេះ មានឈ្មោះ ឡេ យាំងជុយ ភេទប្រុស អាយុ៣៤ឆ្នាំ ជនជាតិវៀតណាម ជាអតីតកម្មករឡូត៍នេសាទរបស់ឈ្មោះ ហួង ជាស៊ីឈ្នួលដេកយាមចាំសម្ភារៈ អោយគេ ។
ប្រភពពីកន្លែងកើតហេតុបាននិយាយអោយដឹងថា មុនពេលកើតហេតុជនរងគ្រោះបានចុះក្នុងទឹកដកយុថថ្កាផ្ទះទឹកដើម្បីអូសយកផ្ទះទឹកចេញ ទឹកផ្លាស់ទៅរស់នៅកន្លែងថ្មី នៅចុងភូមិចុងកោះ សង្កាត់ផ្សារឆ្នាំង ។ ក្នុងពេលដែលចុះទៅដកយុថថ្កាបានបាត់មិនឃើញត្រឡប់ឡើងវិញ ដោយមានការស័ង្សយប្រជាពលរដ្ឋនៅទីនោះ បាននាំគ្នាមុជទឹករាវរកដែ តែរកអត់ឃើញ ។ លុះព្រឹកឡើងនៅវេលាម៉ោង១២និង២០នាទី ថ្ងៃទី០៦ ខែតុលា ឆ្នាំ២០១៥ ទើបឃើញសាកសពផុសអណ្តែតឡើង និងក៏មានការភ្ញាក់ផ្អើល និងរាយការណ៍ប្រាប់សមត្ថកិច្ចតែម្តង ។
ក្រោយពីពិនិត្យសាកសព សមត្ថកិច្ចបានសន្និដ្ឋាន បុរសរូបនេះគឺពិតជាស្លាប់ដោយសារលង់ទឹកពិតប្រាកដមែន និងបានប្រគល់សាកសពអោយទៅគ្រួសារយកទៅធ្វើបុណ្យតាមប្រពៃណី ៕
ដោយ៖ ចន្ថា
