ខេត្ដត្បូងឃ្មុំ៖ អាជ្ញាធរស្រុកពញា ក្រែកបានពន្យល់ប្រាប់ប្រជាពលរដ្ឋអ្នក ភូមិតាអាំ ឃុំកក់ដែលជួបហេតុការណ៍ ចម្លែកនោះថា ករណីស្លាប់ជាបន្ដបន្ទាប់ និងខ្លះទៀតទន់ដៃទន់ជើងនោះ ដោយ សារតែសេពគ្រឿងស្រវឹងច្រើនពេក និងខ្លះមានជំងឺលើសឈាម ។
ប្រជាពលរដ្ឋនិងព្រះសង្ឃនៅក្នុងភូមិតាអាំ ឃុំកក់ ស្រុកពញាក្រែកមាន អាការវិលមុខងងឹតភ្នែកនិងទន់ដៃទន់ ជើងចាប់តាំងពីថ្ងៃទី៤រហូតមកដល់ យប់ថ្ងៃទី៦ ខែតុលា ឆ្នាំ២០១៥មានចំនួន ២៤អង្គ/នាក់ហើយត្រូវបានគេដឹកតាម រថយន្ដសង្គ្រោះបន្ទាន់របស់មន្ទីរពេទ្យ មកសង្គ្រោះបន្ទាន់នៅមន្ទីរពេទ្យស្រុក ពញាក្រែកតែក្នុងនោះមានអ្ននកស្លាប់ ជាបន្ដបន្ទាប់៣នាក់ ។
តាមប្រភពពីមន្ដ្រីនគរបាលស្រុក ពញាក្រែកបានឱ្យដឹងថា អ្នកដែលស្លាប់ ទាំង៣នាក់នោះ ទី១-ឈ្មោះ ចាន់ សារុន ភេទប្រុស អាយុ៦៦ឆ្នាំ ស្លាប់នៅផ្ទះ, ទី២-ឈ្មោះ មុត ផេង ភេទស្រី អាយុ៤០ ឆ្នាំ ស្លាប់ពេលបញ្ជូនទៅសង្គ្រោះនៅមន្ទីរ ពេទ្យបង្អែកខេត្ដកំពង់ចាមហើយរហូត មកដល់វេលាម៉ោង៣និង៣០នាទី រសៀលថ្ងៃទី៦ ខែតុលា ឆ្នាំ២០១៥ ស្លាប់ ម្នាក់ទៀតឈ្មោះ សោម វុធ ភេទប្រុស អាយុ៣៦ឆ្នាំ ។
សមត្ថកិច្ចបន្ដថា នៅពេលដែលមាន ហេតុការណ៍ខាងលើនេះកើតឡើងលោកឧត្ដមសេនីយ៍ត្រី ម៉ៅ ពៅ ស្នងការនគរ បាលខេត្ដបានចាត់ឱ្យកម្លាំងជាច្រើន នាក់ចុះទៅកាន់ភូមិ-ឃុំកើតហេតុដើម្បី តាមដានសភាពជំងឺនិងហៅរថយន្ដមកដឹកប្រជាពលរដ្ឋដែលកើតអាការបែប នេះមកសង្គ្រោះជាបន្ទាន់នៅមន្ទីរពេទ្យបង្អែកស្រុកពញាក្រែកមានដូចជា ទី១-ឈ្មោះឈន សន ភេទស្រី អាយុ៥៥ឆ្នាំ, ទី២-ឈ្មោះ ធុន ថុល ភេទប្រុស អាយុ ២៩ឆ្នាំ, ទី៣-ឈ្មោះស៊ឹម បុរី ភេទប្រុស អាយុ៣០ឆ្នាំ, ទី៤-ឈ្មោះ ភួង សុខហន ភេទប្រុស អាយុ៤៧ឆ្នាំ និង៥-ឈ្មោះវ៉ា អាត ភេទប្រុស អាយុ៣៥ឆ្នាំ ។ កម្លាំង ប៉ុស្ដិ៍រដ្ឋបាលមូលដ្ឋានក៏ដូចជានគរបាលស្រុកបានចុះទៅសហការជាមួយជំនាញសុខាភិបាលដោយមានរថយន្ដជាច្រើន គ្រឿងចេញទៅជួយសង្គ្រោះអ្នកភូមិដឹកមកកាន់មន្ទីរពេទ្យជាបន្ដបន្ទាប់រហូត ដល់វេលាម៉ោងជាង៩យប់កើនដល់ទៅ២៤អង្គ/នាក់ហើយដោយបានសិង និង ដេករដូករណែលពេញក្នុងមន្ទីរពេទ្យដែល ចំនួនអាចនឹងកើនឡើងថែមទៀត ។
បន្ទាប់ពីមានប្រជាពលរដ្ឋ៣នាក់បាន ស្លាប់បន្ដបន្ទាប់គ្នានៅភូមិតាអាំ ឃុំកក់ ស្រុកពញាក្រែកហើយមានលេចឮពាក្យចចាមអារាមថា កើតមានជំងឺចម្លែកធ្វើ ឱ្យប្រជាពលរដ្ឋស្លាប់ដោយសារអាការ ងងឹតមុខនិងទន់ដៃទន់ជើងនោះមកកាលពីព្រឹកថ្ងៃទី៧ ខែ តុលា ឆ្នាំ២០១៥ លោក ឡុង ធាម អភិបាលនៃគណៈអភិបាល ស្រុកពញាក្រែករួមនឹងលោកវេជ្ជបណ្ឌិត កែវ វណ្ណៈ ប្រធានមន្ទីរសុខាភិបាលខេត្ដ ត្បូងឃ្មុំបានចុះជួបសំណេះសំណាលជា មួយប្រជាពលរដ្ឋនៅភូមិតាអាំ ឃុំកក់ ដើម្បីពន្យល់ប្រាប់ពីមូលហេតុដែល ទទួលបានបន្ទាប់ពីការធ្វើកោសល្យវិច័យ សាកសពនិងតាមដានជំងឺចំពោះប្រជា ពលរដ្ឋចំនួន២៨នាក់ផ្សេងទៀតដែល មកសម្រាកព្យាបាលនៅមន្ទីរពេទ្យបង្អែក ស្រុកពញាក្រែកនោះថា ការស្លាប់របស់ ប្រជាពលរដ្ឋទាំង៣នាក់នោះគឺបណ្ដាល មកពីការសេពគ្រឿងស្រវឹងលើសកំណត់ដោយពុំទទួលទានអាហារនិងមកពីជំងឺ លើសឈាមធ្វើឱ្យដាច់សរសៃឈាមក្នុងខួរក្បាលដោយពុំមែនជាការស្លាប់ដោយសារជំងឺឆ្លងអ្វីនោះទេ ។ ចំពោះពាក្យ ដែលលេចឮនោះអាចបណ្ដាលមកពីការបំផុសបំផុលនូវព័ត៌មានមិនពិតពីជន ឱកាសនិយមណាមួយដើម្បីទទួលបាន ផលចំណេញផ្នែកណាមួយសម្រាប់ក្រុមរបស់ខ្លួន ។
បន្ទាប់ពីការសំណេះសំណាលជាមួយប្រជាពលរដ្ឋរួចមកលោក ឡុង ធាម ក៏បានប្រគេនបច្ច័យចំនួន៨០០.០០០ រៀលដល់ព្រះសង្ឃគង់នៅវត្ដតាអាំ ឃុំ កក់សម្រាប់ចាត់ចែងក្នុងពិធីបុណ្យភ្ជុំ បិណ្ឌនេះផងដែរ ៕
ដោយ៖ ហេង សូរិយា
