ខេត្តកំពង់ឆ្នាំង៖ ក្មេងប្រុសម្នាក់ត្រូវបានលង់ទឹកស្លាប់ ខណៈដែលពួកគេនាំគ្នាលេងទឹកស្ទឹងដែលនៅឆ្ងាយពីផ្ទះជាង១គីឡូម៉ែត្រ ។ ហេតុការណ៍នេះបានកើតឡើង ។
កាលពីវេលាម៉ោង ២និង១៥នាទីរសៀលថ្ងៃទី០៧ ខែតុលា ឆ្នាំ១០១៥ នៅចំណុចស្ទឹងទ្វារទឹក ស្ថិតនៅក្នុងភូមិពពាលពក ឃុំគោកបន្ទាយ ស្រុករលារប្អៀរ ខេត្តកំពង់ឆ្នាំង ។
ក្មេងប្រុសដែលលង់ទឹកស្លាប់នេះមានឈ្មោះ អែល ណាឃីម អាយុ៦ឆ្នាំ រស់នៅក្នុងភូមិ ឃុំកើតហេតុខាងលើ ។
បុរសឈ្មោះ សំ ឃាង ដែលត្រូវជាឪពុកក្មេងប្រុសរងគ្រោះបានអោយដឹងថា នៅវេលាម៉ោងប្រមាណជាង២និង៣០នាទីរសៀល មានក្មេងៗក្នុងភូមិដែលលេងទឹកជាមួយ កូនប្រុស របស់គាត់នោះបានរត់ទៅប្រាប់គាត់ថា អាឃីមវាលង់ទឹក ភា្លមៗនោះគាត់បានប្រញាប់មក មើល និង អ្នកភូមិបាននាំគ្នាចុះរាវរក ដោយប្រើពេលជាង២ម៉ោងទើបរកឃើញសពកូនប្រុសរបស់គាត់ ។
បើតាមការបញ្ជាក់ពីក្មេងដែលជាអ្នកលេងទឹកជាមួយគ្នា បានអោយដឹងថា នៅមុនពេលកើតហេតុពួកគេមានគ្នាប្រមាណជាង៣នាក់នាំគ្នាទៅលេងទឹកស្ទឹងដែលនៅឆ្ងាយពីផ្ទះ នៅពេលដែលកំពុងលេងនោះ ចំកន្លែងទឹកហូរ ក៍កួចក្មេងរងគ្រោះនោះ បណ្តាលអោយលង់ស្លាប់ទៅតែម្តង ។
ក្រោយពេលរកសាកសពឃើញបានហៅសមត្ថកិច្ចមកពិនិត្យសាកសព សមត្ថកិច្ចបានសន្និដ្ឋានថា សពក្មេងប្រុសរងគ្រោះពិតជាស្លាប់ដោយសារតែលង់ទឹកពិតប្រាកដមែន ៕
ដោយ៖ ចន្ថា
